"Андижон" мухлислари Умид Аҳмаджоновга совға топширишди ФОТО
02 фев 2018 12:48
Новости

"Андижон" мухлислари Умид Аҳмаджоновга совға топширишди ФОТО

МОҚ президенти ва ЎФА 1-вице президенти Умид Аҳмаджонов бошчилигидаги ишчи гуруҳ Андижонда бўлиб турибди.

Умид Аҳмаджонов ташриф давомида вилоятнинг бош стадиони "Соғлом авлод" стадионига ҳам ташриф буюрди. У ерда "Андижон" жамоаси мухлислари билан учрашув ташкил қилинди. Учрашув давомида мухлислар дарди тингланди. Муаммолар, камчиликлар муҳокама қилинди. Мухлислар ҳам ўз ўрнида "Андижон"ни тезроқ суперлигада кўриш истаги бор эканлигини маълум қилдилар.

ЎФА биринчи вице-президенти учрашув чоғида Андижоннинг 10 нафар энг фаол мухлисини "Насаф" жамоасини қўллаб-қувватлаш учун Осиё чемпионлар лигасидаги сафар учрашувига юборишга ваъда берди. Ўз ўрнида, мухлислар клуби фаоллари ҳам Умид Аҳмаджоновга эсдалик совғаларини топширдилар.