Акмал Шораҳмедов: “Режамиз қарши ҳужумда рақибни жазолаш эди”

“Чемпионатимизда бироз танаффус бўлгани учун узулиш бўлиб қолди. Бизга ҳам “Обод” жамоасига ҳам қийин бўлиши аниқ эди. Иккинчи давранинг сўнгги ўйинларида очко йўқотишга ҳаққимиз йўқ. Нима бўлса ҳам ҳимояда яхши ўйин кўрсатиб, гол ўтказмасликка ҳаракат қилдик.

“Обод” жамоасига ўхшаган жамоалар билан нима учун ўйнаш қийин? Ҳозир бундай клублар олий лигада жон сақлаб қолиш учун курашаяпти. Биз ҳимояга эътибор қаратсак рақиб жамоа ҳужумга ўтишини билар эдик. Бизнинг режамиз қарши ҳужумда рақибни жазолаш эди. Кейинги турда “Пахтакор” жамоасига қарши ўйин ўтказамиз.

Ҳар бир учрашувга қай даражада тайёргарлик кўрсак, “Пахтакор”га ҳам худди шундай тайёргарлик кўрамиз. Ушбу ўйинга у даражада тайёргарлик кўрмаса ҳам бўлади. Сабаби, бундай ўйинларга рухан тайёр бўламиз. “Пахтакор”га қарши ўйин икки баравар қийин бўлади”, - дейди “Бунёдкор” клуби ҳимоячиси Акмал Шораҳмедов.

Жаҳонгир Сотволдиев