RU

Последние новости

08:40Бухорога Суперлига ўйинларини қайтариш ҳаракати бошланди  0 08:17Sofascore. Захирадан майдонга тушган Ўрибоев энг катта баҳолардан бирини олди  0 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  48 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

“Янги Альба” ёхуд "Барселона" сардори бўлган Алекс Гримальдо ҳақида эшитганмисиз? Новости

“Янги Альба” ёхуд "Барселона" сардори бўлган Алекс Гримальдо ҳақида эшитганмисиз?

Алекс болалигиданоқ ноёб қобилияти туфайли бошқалардан ажралиб турарди.

Алехандро Гримальдо Гарсия Испаниянинг Валенсия шаҳрида 1995 йилнинг 20 сентабрида таваллуд топган. Алекс ноёб иқтидори туфайли 13 ёшидан Каталониянинг машҳур “Ла Масия” академиясига қабул қилинган.

Гримальдо 2011 йилнинг 4 сентябрида "Картахена"га қарши "Барселона Б" таркибида дебют қилган. Ўшанда 15 ёшли Алекс Сегунда тарихида энг ёш дебютантга айланганди. Келаси йилда эса у каталонияликларнинг асосий ўйнчиси бўлди, бироқ тиззасидан жиддий жароҳат олди. Лекин бу Гримальдо ортга чекинишига сабаб бўлолмади. У соғайиб, оёққа турди ва ўз ўрнига қайтди. Унинг уринишлари бесамар кетмади: 2014/15 йил Луис Энрике мавсум олди учрашувларида иштирок этиши учун Алексни ўз жамоасига чақирди.

Кейинги мавсумда эса Алекс "Барселона Б"нинг капитани бўлди, аммо дунёнинг энг яхши чап қанот ҳимоячиларидан бири Жорди Альбанинг соясида қолиб кетиши мумкинлигидан чўчиб, асосий таркибда ўйнашига ваъда бераётган "Бенфика"нинг таклифига рози бўлди. Бунинг эвазига унга таҳминан 2 миллион евро тўлашди. Алекс ҳозир 23 ёшда ва унинг трансфер бозоридаги нархи 25 миллион деб баҳоланмоқда.

Алекс "Бенфика"да дарҳол ўзини кўрсатиб, “янги Альба” эканини исботлай олди. Ҳозирда Гримальдо "бургутлар"нинг энг яхши ўйинчиларидан бири ҳисобланади. У "Бенфика"да  2 маротаба чемпион бўлган ва Португалия кубоги, Лига кубоги ва Португалия суперкубогини қўлга киритишга улгурди.

Бугунги кунда Гримальдо трансфер бозоридаги энг кўп кўзга ташланаётган ҳимоячилардан бири саналади. Миш-мишларга қараганда, кўплаб топ клублар, хусусан "Ювентус", "Бавария" ва "МЮ" Алексга 30-35 миллион евро тўлашга тайёр. Қаҳрамонимиз эса "Барселона"га қайтиш орзусида юрибди, аммо Жорди Альба бунга йўл қўймаяпти.

Алекс ҳозирча Испания термасида дебют қилгани йўқ, бироқ у U-19 билан Европа Чемпионати-2012ни қўлга киритишга муваффақ бўлди. У U-21 таркибида ҳам ўйнаган. Ҳозирда эса Луис Энрике раҳбарлик қилаётган термага чақиришларини сабрсизлик билан кутмоқда. Шубҳасиз, Алекс Гримальдо — энг иқтидорли ҳимоячилардан биридир. Яхши латералларга талаб кучли бир даврда Гримальдо энг юқори даражада ўйнаши учун ҳамма томонлама имконияти бор.

Нозима Зарипова таржима қилди

Рейтинг: +14   

Комментарии

championat.asia
< посмотреть последние новости
Яндекс.Метрика