«Хотира-79»га янги бош мураббий тайинланди

Уйчиликлар ушбу лавозимга Нозим Муллаохуновни олиб келишга қарор қилди. Андижонлик мураббийнинг бунгача «УзДонгЖу» ва «Андижон» ёшлар жамоасини бошқарганини мухлислар яхши билади. Эндиликда 45 ёшли мутахассис «Хотира-79» жамоасини янги мавсумга тайёрламоқда. Янги бош мураббий жамоага келибоқ, энг аввало селекция ишларига эътибор қаратишни лозим топди. Негаки, яқиндагина янгитдан тузилган жамоада кўплаб футболчилар бор. Улардан янги бош мураббий табиийки талабга жавоб берадиганини олиб қолади. Ҳозирча «Хотира-79»га «Андижон»дан Бахтиёр Қосимов ва Жаҳонгир Маҳсудов келиб қўшилгани ҳақида маълумот бор.

Эслатиб ўтамиз, уйчиликлар чемпионатнинг илк турини сафарда «Ёзёвон-Лочинлари»га қарши ўтказади.