Хосе Мария Мендез: "Якуний таркибни тузиш осон бўлмади"
25 авг 2016 14:25
Новости
![](https://championat.asia/upload/storage/219364_original.jpg)
![](/upload/storage/219364_220.jpg)
Хосе Мария Мендез: "Якуний таркибни тузиш осон бўлмади"
Бош мураббий Хосе Мария Мендез ўртоқлик ўйинлари ва якуний таркиб борасида суҳбатга тортдик.
- Тошкентдаги сўнгги машғулотлар ҳусусида қандай фикрдасиз?
- Йигитларда ўсиш кўзга ташланаяпти, менимча биз тўғри йўналишдамиз. Футзалчиларда ишонч бор.
Қозоғистон билан яхши ўйинлар ўтказдик, айниқса иккинчи баҳсда. Озарбойжон билан биринчи беллашувда ҳам жуда зўр ўйин кўрсатдик. Ўша учрашув Ўзбекистон терма жамоасининг мен бошқариб келаётган даврдаги энг яхши ўйини бўлди. Иккинчи баҳсда эса жуда ёмон ўйнадик. Мундиалга қадар 15 кун вақт бор ва камчиликларимизни тўлдириб борамиз.
- Якуний таркибда Осиё чемпионати билан солиштирганда учта ўзгариш бўлди. Ўзгаришларни изоҳлаб ўтсангиз?
- Андрей Шлема Осиё чемпионатида жуда кам ўйнади, Жамолиддин Шарипов эса бошида майдонга тушди, лекин кейинчалик у ҳам жуда кам ўйнади. Уларнинг ўрнига таркибга киритилганлардан Шуҳрат Тожибоев ўзининг тажрибаси ва сифатли паслари билан кучли жамоаларга қарши прессингдан чиқишимизга ёрдам беради. Машраб Одилов эса охирги икки ойда жуда ҳам ўсишга эришди, Қозоғистон ва Озарбойжонга қарши учрашувларда ҳам илиқ таассурот қолдирди. Ўйинга чанқоқ ва кўзлари ёниб турадиган ўйинчи, жамоага яхши киришиб кетди.
Учинчи ўзгаришга келадиган бўлсак, аслида бизни режамизда Илҳом Ҳамроевни олиб кетиш йўқ эди. Учта дарвозабон билан мундиалга боришни мўлжаллаган эдик. Лекин, Клим Тюгаев ўз-ўзидан машғулотларда ғойиб бўлди. 3-4 кундан кейин яна пайдо бўлди ва бунга ҳеч қандай тушунтириш бермади. Бу эса мураббийларга ва жамоага хурматсизлик эди, шунинг учун ҳам Клим рўйхатдан чиқариб юбордим. Унинг ўрнига эса биз Шарипов ёки Шлемани олиб кетишимиз мумкин эди. Лекин, уларни олиб кетиб мусобақада жуда кам ўйнатгандан кўра ёш Илҳом Ҳамроевни олиб кетишга қарор қилдик. Илҳом терма жамоада тажрибасини ошириши учун шундай қилдик, сабаби у терма жамоа келажакларидан бири. Кейинги йили бўлиб ўтадиган 20 ёшгача бўлган футзалчилар иштирокидаги Осиё чемпионатида Илҳом сардор бўлади. Шарипов ва Шлема Ҳамроевдан анча кучли ўйинчилар, бунга ҳеч қандай шубҳа йўқ. Лекин, кам ўйнайдиган ёши катта футзалчилардан кўра, терма жамоа келажаги учун ёш ўйинчини олиб кетишга қарор қилдик. Юқоридаги икки футзалчини таркибдан тушириб қолиш жуда ҳам оғир бўлди. Шундай бўлсада, уларга жамоага бўлган муносабатлари учун катта миннатдорчилик билдириб қоламан.
Похожие новости
![AMP Logo](https://championat.asia/image/logo-amp.png)
Комментарии