Хоразм вилояти биринчилиги. 1-гуруҳ ҳам биринчи даврани якунлади

Ниҳоят, 1-гуруҳ жамоалари ҳам дастлабки даврани поёнига етказишди. Айтиш жоизки, ушбу гуруҳда етти жамоа иштирок этяпти. Бу ерда 13 очкодан жамғарган “УрДУ” ва “Наврўз” жамоалари пешқадамлик қилишмоқда. Келаси йили бўлиб ўтадиган республика мактаб ўқувчиларининг “Умид ниҳоллари” спорт мусобақасига тайёргарлик кўраётган “Умид ниҳоллари-2015” жамоаси ҳозирча биронта очко жамғармаган.

Аслида, мазкур жамоанинг 2-лига мусобақасида қатнаштиришдан асосий мақсад, хоразмлик ёш “чарм тўп” усталарининг маҳоратини оширишга қаратилган. “Умид ниҳоллари-2015”га воҳанинг таниқли мураббийларидан бири Вали Султонов устозлик қилаётир. Кези келганда таъкидлаш жоизки, Хоразм вилояти терма жамоаси айнан бу мураббий бошчилигида 2003 йили ташкил этилган “Умид ниҳоллари”  спорт ўйинининг финал босқичида футбол турнири ғолиби бўлганди.

4-тур
“Боғот” (Боғот тумани) - “УрДУ” (Урганч шаҳри) – 1:0,   
“Намуна” (Урганч шаҳри)  - “Урганч ОЗК-2” (Урганч шаҳри) – 1:3,   
“Умид ниҳоллари-2015” (Урганч шаҳри) - Урганч ОЗК-1” (Урганч шаҳри) – 1:8,   
“Наврўз” (Янгиариқ тумани) жамоаси бу турда дам олди.
             
5-тур
“УрДУ”– “Наврўз” – 3:0,
“Урганч ОЗК-2”– “Боғот”– 2:2,
Урганч ОЗК-1” -  “Намуна”– 4:1,
“Умид ниҳоллари-2015” жамоаси бу турда дам олди.
   
6-тур
“Наврўз”– “Урганч ОЗК-2”– 2:1,
“Боғот”– Урганч ОЗК-1”– 1:1,
“Намуна”– “Умид ниҳоллари-2015”– 3:2,
“УрДУ” жамоаси бу турда дам олди.
   
7-тур
“Урганч ОЗК-2”–  “УрДУ”– 2:2,
“Умид ниҳоллари-2015”– “Боғот”– 0:3,
Урганч ОЗК-1”–“Наврўз”– 3:3,
“Намуна” жамоаси бу турда дам олди.
   
Биринчи даврадан кейинги вазият

Жамоа	Ў	Ю	Д	М	Т-Н	О
1. УрДУ	6	4	1	1	26-5	13
2. Наврўз	6	4	1	1	18-12	13
3. Урганч ОЗК-2	6	2	3	1	16-9	9
4. Урганч ОЗК-1	6	2	3	1	19-13	9
5. Боғот	6	2	2	2	12-12	8
6. Намуна	6	2	0	4	11-28	6
7. Умид ниҳ.-2015	6	0	0	6	6-29	0

Икром  ХУДОЙБЕРГАНОВ