Луис Качорри: "Бугун "Бунёдкор" билан ўз майдонимиздаги сўнгги ўйиним бўлиши мумкин"
30 июн 2025 00:39
Новости

Луис Качорри: "Бугун "Бунёдкор" билан ўз майдонимиздаги сўнгги ўйиним бўлиши мумкин"

Суперлиганинг 14-туридан ўрин олган "Бунёдкор" - "Сўғдиёна" (3:2) учрашувидан сўнг мезбонлар ҳужумчиси Луис Качорри сайтимизга интервью берди.

"Шуни айтишим керакки, ажойиб ўйин бўлди, чунки 0:2 ҳисобида ортда қолатуриб, 3:2 ҳисобида ғалаба қозониш ҳар доим кучли ҳис-туйғуларни уйғотади. Мен учун беллашув янада кўпроқ аҳамиятга эга, чунки ушбу учрашув "Бунёдкор" билан ўз майдонимиздаги сўнгги ўйиним бўлиши мумкин. "Андижон" билан ўйиндан кейин шартномам тугайди ва яхши таассуротлар билан кетишни хоҳлайман...

Қолиш-қолмаслигим ҳақида ҳали билмайман, лекин мухлисларга миннатдорчилик билдирмоқчуман, чунки улар мени бутун йил давомида қўллаб-қувватлаб келишди. Шунинг учун, гол урганим ёки урмаганлигимдан қатъи назар, мухлислар доимо мен билан бирга ва мен бундан бахтиёрман. Бу ғалабадан хурсандман ва муваффақиятни мухлисларимизга бағишлайман.

Ҳа, мен жамоам учун муҳим гол урдим. Бу гол ҳал қилувчи лаҳза эди. Бу – футбол. Мен ҳар доим гол уриш имкониятим борлигига ишонаман. Шунинг учун майдонга чиқдим, имкониятлар бўлишига ишончим комил эди ва гол урдим", деди 27 ёшли футболчи.

Ссылка :

Источник : championat.asia

Получайте новости прямо в Telegram!

Рейтинг: +1