Михаил Еремчук: "Ғалаба учун аввало футболчиларга раҳмат"

- Ўйин жуда қийин кечди. Гарчи ғалаба қозонган бўлсак-да, осон бўлмади. Рақиб ҳам ғалаба қозонишни жуда хоҳлади. Иккала жамоага ҳам уч очко ниҳоятда зарур эди. Футболчиларимизга раҳмат, ғалаба қозониб навбатдаги уч очкони қўлга киритдик. Ва жадвалда бироз бўлсада ўз ҳолимизни яхшилаб олдик.

Бу ғалаба биринчи навбатда йигитларники, чунки улар характер кўрсата олишди. Бунинг учун футболчиларга катта раҳмат. Шу ўринда мухлисларимизни ҳам ғалаба билан табриклаб қоламан.

- Асосий ҳимоячи Марко Колакович бугун майдонда кўринмади. Бу нима билан боғлиқ?

- У Кубок ўйинида жароҳат олди. Ҳозир тикланиш жараёнини бошдан ўтказяпти. Мураккаб график асосида майдонга тушяпмз, шу боис ҳар бир футболчи биз учун қадрли. Марконинг ҳам тезроқ соғайишини тилаб қоламиз.

- "Бухоро" гол ўтказиб юборгунча бирмунча пассив ҳаракат қилди. Голдан кейин эса "уйғонди".

- Буни кетма-кет ўйинлардаги толиқиш билан изоҳлаган дўлардим. Ўйинларга ҳозирлик кўриш учун кам вақтга эга бўляпмз. Футболчилар бугун борини бермаганида балки ғалаба ҳам бўлмасди.