«Халл» мухлислари майдонга теннис тўпларини улоқтиришди... ФОТО
24 фев 2018 12:18
Новости

«Халл» мухлислари майдонга теннис тўпларини улоқтиришди... ФОТО

Англия Чемпионшипи 34-туридан ўрин олган «Халл» — «Шеффилд Юнайтед» (1:0) учрашуви майдонда бегона буюмлар отилгани боис бир неча дақиқага тўхтаб қолди.

Майдон эгалари мухлислари жамоанинг бу мавсумдаги қониқарсиз натижалари туфайли майдонга юзлаб теннис тўпларини улоқтиришди. Ўйиндан олдин «Халл» мусобақа жадвалида 24та жамоа орасида 21-ўринда эди. Ушбу ғалабадан кейин «йўлбарслар» 20-ўринга чиқишди.

Бу акция «Халл» хўжайинларига ҳам қаратилганди. Учрашувдан олдин мухлислар стадион ташқарисида раҳбариятга норозилигини билдиришди, ўйин пайтида эса хуштакбозлик ва турли баннерлар орқали ўз фикрларини билдиришди.