"Валенсия" футболчиси захира таблосини тепиб синдирди (ВИДЕО+ФОТО)
20 апр 2018 11:33
Новости

"Валенсия" футболчиси захира таблосини тепиб синдирди (ВИДЕО+ФОТО)

"Валенсия" ЛаЛиганинг 33-турида "Хетафе"ни қабул қилди.

Баҳс 1:2 ҳисобида меҳмонлар ғалабаси билан якунланди. "Валенсия" сардори Дани Парехо эса учрашувни томоша қилганларнинг хотирасида узоқ вақт сақланиб қоладиган бўлди.

Гап шундаки, "кўршаплаклар" биринчи голни урганида Парехога нисбатан қоида бузилган эди, аммо ҳакам ўйинни давом эттириб, голни ҳисобга олди. Бир неча дақиқадан сўнг "Валенсия" сардори "Хетафе" футболчиси Хорхе Молинани йиқитди ва ҳакам уни четлатди. Парехо майдонни тарк этаётиб ўйинда ўзгаришлар бўладиган пайтда ҳакам кўрсатадиган таблони тепиб синдирди.