"Қўқон-1912": Тайёргарлик бошланди, режада ўртоқлик ўйини бор
20 дек 2017 07:39
Новости

"Қўқон-1912": Тайёргарлик бошланди, режада ўртоқлик ўйини бор

Теги : Қўқон-1912

Мавсум якунига етгач бироз ҳордиқ чиқарган "Қўқон-1912" аъзолари бугундан янги мавсумга тайёргарликни бошлашади.

Футболчиларимиз Қўқон шаҳрида дастлабки ўқув йиғинини ўтказишади.

Бу йиғин 28-декабрга қадар давом этиши кўзда тутилган. Машғулотларга таркибимизда бўлган барча футболчилар таклиф қилинган. Мазкур йиғинда Ўзбекистон U-23 терма жамоаси билан бирга бўлиб турган Ж Сидиқов, О Рустамов, А Маматхўжаев ҳамда А Сидоровлар иштирок этишмайди.

Нўъмон Ҳасанов Қўқондаги йиғин давомида битта назорат учрашуви ўтказишни ҳам ўз режасига киритган. Рақиб эса супер лиганинг янги вакили Қувасойнинг “Цементчи” жамоаси бўлади. Ўртоқлик ўйини санаси ва қаерда ўтказилиши борасида қўшимча тарзда хабар берамиз.