Маматказин, Холмуродов ва яна икки нафар футболчимиз Бангладешга йўл олди
23 апр 2021 11:33
Новости

Маматказин, Холмуродов ва яна икки нафар футболчимиз Бангладешга йўл олди

Ўзбекистонлик футболчиларнинг Бангладеш чемпионатига кўчиб ўтиши охирги вақтларда урфга айланиб бормоқда.

Яқинда яна тўрт нафар ҳамюртимиз Бангладешга йўл олди. Тажрибали ҳимоячи Илдар Маматказин бир йиллик танаффусдан кейин яна катта футболга қайтди ва фаолиятини хорижда давом эттиришга қарор қилди. Андижонлик футболчи 2020 йилги мавсумда Ўзбекистоннинг ҳеч бир жамоасида кўриниш бермаганди. Яқинда у "Арамбах" клуби билан шартнома тузди.

Шунингдек Маматказин билан бирга Холмурод Холмуродов, Дилшод Назиров ҳамда Исломжон Абдуқодиров ҳам "Арамбах" жамоасига ўтди.

Маълумот учун Бангладеш чемпионатида 13 та жамоа иштирок этади. "Арамбах" 12-турдан сўнг турнир жадвалида аутсайдер бўлиб турибди.

Яна бир маълумот Бангладеш чемпионатининг иккинчи давра ўйинларига 9 апрелдан старт берилиши режалаштирилганди. Аммо бу давлатда карантин 5 апрелдан кучайгани сабабли, чемпионатнинг иккинчи қисми ҳозирча бошланмасдан турибди. Шу сабабли янги бориб қўшилган тўрт нафар легионерларимиз дебют учрашувини ўтказишмади.

Ссылка :

Источник : championat.asia

Получайте новости прямо в Telegram!

Рейтинг: +7