Лотерея ўйини сабаб Ўзбекистон Суперлигаси ўйинлари вақти ўзгартирилди
20 фев 2018 16:08
Новости

Лотерея ўйини сабаб Ўзбекистон Суперлигаси ўйинлари вақти ўзгартирилди

Ўзбекистон Профессионал футбол лигаси Суперлига ўйинларини трансляция қилувчи Sport телеканали талаби билан шанба куни 18:00да бошланадиган ўйин вақтига ўзгартириш киритди.

Бу ҳақда телеканалнинг телеграмдаги саҳифасида маълум қилинган.

Манба берган маълумотга кўра, «жуда кўплаб юртдошларимиз кузатиб борадиган» «Омад Лотто» телеўйини ҳар шанба, соат 19:30да эфирга узатилиб келинмоқда. Шу сабаб, телеканал шанба куни бўлиб ўтадиган футбол ўйинларининг бошланиш вақтини соат 17:30 қилиб белгилаш борасида Ўз ПФЛга таклиф билан чиқди. Шанба дам олиш куни бўлиб, бу футбол мухлисларига стадионга келиш учун ортиқча муаммо туғдирмаслигини ва Sport TV эфир дастурини инобатга олган ЎзПФЛ 3 март куни бўлиб ўтадиган ўйинларнинг бошланиш вақтини соат 17:30 қилиб белгилаган.

Маълумот учун, Суперлига доирасидаги тур ўйинлари 6та учрашувдан иборат бўлиб, уч кун давомида иккитадан ўйин Sport телеканали орқали намойиши режалаштирилган.

Ссылка :

Источник : Championat.asia

Получайте новости прямо в Telegram!

Рейтинг: -205