Лэмпард мавсум бошида МЮдан учралган мағлубиятни қандай қабул қилган эди?

“Ўша баҳс биз учун “сюрприз”га айланганди. Чунки ҳисоб ўйинга мос бўлмаганди.Мен жамоамни энг биринчи танқидчисиман. Шу боис ўйиндан кейин футболчиларга нисбатан адолатли бўлдим. Мен уларга: “қаранглар бу 0:4 га лойиқ ўйин эмас, аммо кичик деталлар ҳисобни шу қадар йириклашишига олиб келди. Буни жудаям қаттиқ зарба деб қабул қилманглар, бундай ҳаракат ва ўйин билан бу каби мағлубиятга лойиқ эмассизлар” дегандим.

Орадан бир неча кун ўтиб, мамлакатни айни пайтдаги энг кучли жамоаси “Ливерпуль” билан куч синашдик ва Европа Суперкубогини қўлга киритишга лойиқ эдик. 

Ҳа, МЮга қарши ўйиндаги ҳисоб аянчли эди, бугун ўша хатони ювиш имкони бўлади. Аммо ўшанда йирик мағлубиятни у қадар оғриқли қабул қилмагандим. Ўшанда МЮ ва “Ливерпул”га қарши иккита ўйиндан кейин мен жамоа бу мавсумда нимадир юта олишига ишонгандим”, дейди лондонликлар устози.

“Челси” айни пайтда АПЛ турнир жадвалида 25 учрашувдан 41 очко тўплаб 4-поғонада бораётган бўлса, МЮ 35 очко билан 9-поғонани банд этган.