Жамшид Бекмуродов: “Қизилқум”нинг ҳар бир ғалабаси биз учун ўзига хос байрам”

“Қизилқум” ПФК Мухлислар клуби фаолларидан бири Жамшид Бекмуродов ўзининг ўйин ҳақидаги таассуротларини билдириб ўтди.

— Шу кунларда Америкада “Америка кубоги”, Францияда Европа чемпионати учрашувлари қизғин давом этаётган бўлса-да, улардан воз кечиб “Қизилқум” ўйинини томоша қилдик, — дейди Жамшид Бекмуродов. — Йигитларимизга катта раҳмат! Бугун улар ўзларининг чиройли ўйини билан биз мухлисларни хурсанд қилишди. “Ёшлар” спорт мажмуасида ўтказган вақтимиз зое кетмади. Севимли жамоамизнинг ҳар бир ғалабаси биз учун ўзига хос байрамга айланади.

Ўз навбатида “Қизилқум”га қарши муносиб ўйнаган “Навбаҳор” футболчиларига ҳам раҳмат айтамиз. Бундай шиддатли ва ҳужумкор ўйинлар биз мухлисларга зав-шавқ улашади. Ана шундай ўйинлар кўп бўлишини, уларда “Қизилқум” жамоаси ўз ишқибозларини хурсанд қилиб юришини истаймиз.

“Қизилқум” ПФК Матбуот хизмати.