Фарруҳ Зокиров: “Биринчи тур учун қўйилган вазифани бажара олмадик”

- Олий лиганинг старти яхши бошланди. “Нефтчи”нинг асосий мақсади Олий лигада қолиш. Чунки таркибни у қадар кучайтира олмадик. Асосан кўча футболидаги болларни таклиф қилдик. Ёшлар терма жамоасидан икки нафар дарвозабонни олдик. Уларни футзалга ўргатиш ҳисобланади. Ортда қолган турда камида 4 очкони қўлга киритишни мақсад қилгандик. Афсуски, бунинг уддасидан чиқа олмадик. Асосий дарвозабонимиз Элёр Домлаев баъзи сабабларга кўра, илк турни ўтказиб юборди. Натижада, ёш дарвозабонларга имконият бердик. Минг афсуски, ёшларимизга тажриба етишмади. Дейлик, чемпионатдаги БМБ, “Жиззах-Кентекс” ва АГМКдан бошқа жамоаларнинг имконияти тенг деб ҳисоблайман.

Тўғриси, жамоамизнинг молиявий ҳолатини бошқаларникига солиштириб бўлмайди. Бизда у қадар катта маблағ йўқ. Айтайтлик, жамоамизда фақат маош тизими мавжуд. Қўлга киритилган ғалабаларга алоҳида мукофот пуллари берилмайди. Агарда жамоамизда молиявий имкониятларимиз барқарор ҳолатга келтирсак, “Нефтчи” футзал жамоасини кучайтирса бўлади. Айни вақтдаги мақсадимиз – ёшларни тарбиялаш ва уларни терма жамоаларга етказиб бериш ҳисобланади", - деди Фарруҳ Зокиров.