Холанд АПЛдаги 100-голини урди ва рекорд ўрнатди

"Манчестер Сити" ҳужумчиси Эрлинг Холанд АПЛда 100 та гол уриш натижасига эришди. Норвегиялик футболчи Англия чемпионатидаги 100-голини "Фулхэм"га қарши ўйиннинг 17-дақиқасида киритиб, ҳисобни очди.

Холанд АПЛдаги 111-ўйинини ўтказмоқда - у 100 та гол уриш учун 124 та ўйин ўтказган Алан Ширернинг рекордини янгилади ва бу маррага энг тез етиб келган футболчига айланди.

Олдинроқ ҳужумчи АПЛ тарихида энг тез 20 та гол (14 ўйинда), 30 та (27 ўйинда), 40 та (39 ўйинда) ва 50 та (48 ўйинда) тўп киритган эди.