Суперлига-2025. Ўтган мавсумнинг энг ёш ва энг ёши катта футболчиси кимлар бўлди?

2025 йилги мавсум Суперлигада энг ёш футболчиси "Бунёдкор"нинг 2009 йилда туғилган ярим ҳимоячиси Миркомил Муродов бўлди. У 15 ёш, 11 ой, 26 кунлигида "Хоразм"га қарши ўйинда майдонга тушди. Кейинги ўриндан "Бухоро" ярим ҳимоячиси Озодбек Ражабов жой олди. Тўптепар 16 ёш, 7 ой, 27 кунлигида охирги турда "Сурхон"га қарши ўйинда ҳаракат қилди. Рўйхатда Аюбхон Мухторов ("Қўқон-1912", 17 ёш, 6 ой, 15 кун), Беҳруз Каримов ("Сурхон", 17 ёш, 7 ой, 1 кун), Камронбек Юсупов ("Сурхон", 18 ёш, 1 ой, 8 кун) каби футболчилар ҳам борлигини айтиб ўтиш мумкин.

Энг ёши катта футболчи "Хоразм" дарвозабони Сардор Қобулжонов қайд этилди. Тажрибали кипер 38 ёш, 9 ой, 19 кунлигида элитада ўйнади. Қобулжонов ўтган мавсумда 11 та ўйинда дарвозасидан 16 та гол ўтказди ва 3 та баҳсда дарвозаси даҳлсизлигини сақлаб қолди. Иккинчи поғонада Баҳодир Насимов ўрин эгаллади. Ҳужумчи 38 ёш, 4 ой, 27 кунлигида Суперлигада майдонга тушди. Учинчи ўринни "Насаф" легионери Драган Черан ўзиники қилди. Футболчи 38 ёш 1 ой, 23 кунликда Суперлигада охирги турда майдонга тушди. Черан шу ёшда бўлишига қарамай Суперлигада 30 та ўйинда 8 та гол, 4та ассист амалга оширди. Бундан ташқари Станислав Андреев ("Сўғдиёна" 37 ёш, 6 ой, 24 кун), Марко Станоевич ("Динамо", 37 ёш, 6 ой, 24 кун), Мирзоҳид Ғофуров ("Навбаҳор", 37 ёш, 3 ой, 7 кун) каби номлар ҳам бор.