“Цементчи” футболчилари жисмоний тайёргарлик бўйича норматив топширди (ФОТО)

Элитада иштирок этадиган футболчиларнинг жисмоний ҳолати Ўзбекистон Футбол Федерацияси томонидан тасдиқланган тест-синовлари орқали назорат қилиб борилади.

Футболчилар топширадиган тест-синовлари Ўзбекистон Футбол Федерациясининг техник ривожлантириш бошқармаси илмий-методик гуруҳи мутахассислари томонидан ишлаб чиқилган. Бугун илмий гуруҳ вакиллари Шамил Исеев бошчилигидаги Ю. Сиянов ҳамда А. Қорабоевлар  Фарғонада жамоамиз футболчиларини назоратдан ўтказишди. 

Клуб футболчилари қуйидаги тест-синовларини топширишди: 30 метрга югуриш, узунликка сакраш, 7х50  метрга югуриш ва  "Yo-Yo" тест синовларидан ўтдилар.

Ўтган мавсумни “Қизилқум”да ўтказган Отабек Исроилов ва Малайзияда фаолият олиб борган Иқбол Бобохоновлар ҳам жамоа билан биргаликда тест синовларини топширди.

Ушбу тестларда жамоамизнинг 21 нафар футболчиси иштирок этди. 

Қуйида бугунги тест-синовларидан олинган суратлар билан танишинг.

ФОТО: “Цементчи” жамоаси матбуот котиби Зухриддин Абдуллажонов