"Боруссия" Раноккияга расмий таклиф билан чиқди

"Интер" шарафини ҳимоя қилаётган ушбу ҳимоячи анча вақтдан буён "сариқ-қоралар" жамоаси эътиборида бўлиб келаётган эди. Ниҳоят дортмундликлар италиялик футболчига таклиф билан чиқишди. "Боруссия" Раноккия учун "Интер"га етти миллион евро таклиф қилди. Аммо миланликлар ҳимоячини сотиш орқали бироз кўпроқ пул ишлаб олишмоқчи.

Манбада қайд этилишича, "Интер" ўн икки "лимон" сўраётган экан. Шундай бўлса-да, "Боруссия" Раноккияни сотиб олиш ниятидан қайтмоқчи эмас. Тахминларга қараганда, Дортмунд супер клуби италян ҳимоячисига яна бир бор таклиф билан чиқади. Бу сафар шартлари анча яхшиланган шартнома таклиф қилинади.