Баҳриддин Ваҳобов: «Мухлисларни қувонтириш учун бор маҳоратимизни ишга соламиз»
10 июн 2016 11:47
Новости

Баҳриддин Ваҳобов: «Мухлисларни қувонтириш учун бор маҳоратимизни ишга соламиз»

Бугун олий лига жамоалари ўнинчи тур баҳсларини ўтказади. Унда Навоийнинг «Қизилқум» футболчилари Тошкентда «Бунёдкор» жамоасига қарши майдонга тушади.

Ушбу ўйин олдидан кончилар сардори Баҳриддин Ваҳобов клуб матбуот хизматига ўз фикрларини билдирди.

— Бугун жамоамизни олдинда жиддий синов кутмоқда, — деди ҳужумчи Баҳриддин Ваҳобов. — Мавсумни ғалабалар билан бошлаган бўлсак-да, охирги турларда бир текис ўйин намойиш эта олмаётганимиз бор гап. Шунга қарамай, миллий чемпионатда юзага келган қисқа танаффусдан унумли фойдаланиб, навбатдаги ўйинга пухта ҳозирлик кўришга ҳаракат қилдик.

«Бунёдкор» — мамлакатимизнинг тажрибали жамоаларидан бири саналади. Буни чемпионат жадвали ҳам кўрсатиб турибди. Аммо уларга қарши ижобий натижа учун ўйнаса бўлади. Таркибимизда жиддий йўқотишлар йўқ. Жамоадошларимнинг ушбу учрашув олдидан кайфиятлари аъло. Қолаверса, бугун Тошкентда бизни кўпсонли навоийлик мухлислар қўллаб-қувватлаб туриши кутилмоқда. Шу боис, ўз ишқибозларимизни қувонтириш учун бор маҳоратимизни ишга солишга тайёрмиз.

«Қизилқум» ПФК Матбуот хизмати.

Ссылка :

Источник : championat.asia

Получайте новости прямо в Telegram!

Рейтинг: +2