Анхель Лопес: "Ҳам ҳимояда, ҳам ҳужумда яхши ўйин кўрсатиб, ғалаба қозондик"
09 апр 2022 21:14
Новости

Анхель Лопес: "Ҳам ҳимояда, ҳам ҳужумда яхши ўйин кўрсатиб, ғалаба қозондик"

Ўзбекистон Кубоги дастлабки тури доирасидаги "Сурхон" – "Бухоро" (2:0) ўйинидан кейин термизликлар бош мураббийи Анхель Лопес фикрларини билдириб ўтди.

- Ўйин ҳақида

- Бугун Про лига жамоасига қарши баҳс олиб бордик. Бунгача улар билан мавсумолди йиғинда ўйин ўтказгандик. Тартибли ва кучли жамоа. Аммо бугун биз ҳам ҳимояда, ҳам ҳужумда яхши ўйин кўрсатиб, ғалаба қозондик.

- Ўйин давомида кўп асабийлашдингиз, сизга нима ёқмади?

- Асабийлашганим йўқ. Шунчаки "Сурхон"нинг барча футболчилари борларини бериб ўйнашини хоҳлайман. Биз Термиз шарафини ҳимоя қиламиз, шунга яраша тажовузкор ва ҳужумкор ўйнашимиз лозим.

- Самарқанд об-ҳавоси ёқдими ва стадион бўйича қандай камчиликлар бор?

- "Динамо" стадионида ҳеч қандай муаммо йўқ. Муаммо фақат бизда, яъни Термизда ўйнай олмаяпмиз. Бу вақтинчалик ҳолат, тез орада ўз уйимизда, мухлислар қаршисида ўйнашга умид қиламиз.

Ссылка :

Источник : championat.asia

Получайте новости прямо в Telegram!

Рейтинг: +5