Анвар Ражабов: "Мочинов мени йиғинга чақирмади"

Жорий мавсум аввалига "Андижон" учун тўп тепган футболчи давралар оралиғида "Бухоро"га ўтганди. Лекин унинг жамоа алшмаштириши ҳам фойдали бўлиб чиқмади. Янги мавсумга Александр Мочинов бошчилигида тайёргарликни бошлаган бухороликлар йиғинида Анвар Ражабовни кўрмаяпмиз. Шу боис унинг ўзи билан бу борада суҳбатлашганимизда қуйидагиларни таъкидлади.

"Тўғриси, бу йилги мавсум мен омадли кечмади. Ўйинимдан қониқмадим десам ҳам бўлади. Ҳозирча уйда дам оляпман. Бухорони тарк этдим. Жамоа билан келишувимиз мавсум сўнггига қадар эди. Биласиз эндиликда "Бухоро"да янги мураббий иш бошлади. У эса мени йиғинга чақирмади. Энди тақдиримни бошқа клуб билан боғламоқчиман. Олдимда бир нечта вариантлар турибди. Январь ойида ҳаммаси маълум бўлади. Гарчи ҳозир уйда бўлсамда, ўзим якка тартибда шуғулланиб турибман. Умид қиламанки келаси йил мен учун ҳаммаси яхши бўлади", - дейди Ражабов.