JCH-2014. Mundial ishtirokchilari - Franciya

Franciya terma jamoasi haqida so'z ketganda, avvalo Platini, Zidan, Anri kabi futbolchilar ko'z oldimizga gavdalanadi. Aynan ushbu futbolchilar terma jamoa safida o'ynagan paytida Franciya o'zining eng yuqori natijalarini ko'rsata olgan. Har qanday raqibni dog'da voldirish ular uchun oddiy ishdek bo'lardi. Hozirda Franciya tarkibidagi yorqin yulduz bu Frank Riberi. Ammo yaqindagina ushbu futbol afsungari jarohati sabab mundialda ishtirok eta olmasligi oydinlashdi. Bu Dide Desham jamoasi uchun juda katta yo'qotish. Evropaning 2012/2013 yildagi tengsiz futbolchisisiz o'tadigan mundial birozgina bo'lsada o'z go'zalligini yo'qotishi aniq. Bu ko'proq franciyalik futbol muxlislari uchun sezilishi aniq.

Riberi mundial oldidan jamoa qarorgohini tark etdi

Umuman olganda, francuzlar mundialda har qanday tarkib va qaysi davrda bo'lishidan qatiy nazar, chempionat g'olibligiga asosiy dagarlardan biri sanalishgan. Jamoa uchun Jahon chempionatlaridagi ilk muvaffaqiyatli ishtirok bu 1958 yilga kelib sodir bo'lgan. Jyustom Fonten va Raymon Kopa etakchiligi ostida qo'lga kiritilgan bronza medallari Franciyaning mundialdagi ilk sovrini hisoblanadi.
SHundan keyin Franciya 1980 yillargacha xalqaro musobaqalarda o'zlaridan kutilgan natijalarni qayd eta olishmadi.
Terma jamoa safida Mishel Platini, Jan Tigan, Alen Jires va Luis Fernandes kabi futbolchilari to'p tepa boshlashganidan so'ng, Franciya o'yinlarida yana joziba qaytgandi. Ushbu sanab o'tilgan futbochilar bilan birgalikda, Franciya 1984 yili o'tkazilgan Evropa chempionatida zafar quchadi. Ikki yil o'tib esa, Jahon chempionatida yana bronza medallarini qo'lga kiritishadi.
Oradan 14 yil o'tganidan so'ng, jamoa boshqaruviga Eme Jake keladi. Ushbu mutaxassisqo'li ostida jamoa 1998 yili o'z uylarida o'tkazilgan mundialda bosh sovringa ega chiqishadi. O'shanda Zayniddin Zidanning takrorlanmas o'yinlari, yakunda Franciyaga Jahon tojini olib beradi. O'shanda Franciya finalda Braziliyani yirik hisobda tor-mor etadi. Zidan ikkita va Peti bir to'p sohibiga aylanishgan edi.
Ushbu g'alabadan keyin jamoa ikki yil o'tib, Evropada ham tengsiz bo'ladi. Bu safar finalda Italiya mag'lub etiladi va Franciya ketma-ket Jahon va Evropi chempioni nomiga sazovor bo'ladi. Aynan shu davr Franciyaning "oltin avlodi" bo'lgan. Fabien Bartez, Marsel Desayi, Lilian Tyuram, Emanuel Peti, Jorkaeff, Lizarazyu, Dyugarri, Trezege, Anri, Zidan, Blan, Desham, Vieyra, Karambyo kabi futbolchilar Franciyani ushbu o'lkan g'alabaga etaklay olishgan edi. Bu futbolchilar Franciya tarixidan muqim joy olishadi.

Franciya - 1998. Jahon chempionlari...

SHundan keyin jamoa 2002 yilgi Jahon chempionatida ishtirok etadi va o'z yurishlarini guruh bosqichidayoq to'xtatishga majbur bo'ladi. Bu mamlakatda katta etirozlarni keltirib chiqaradi.
Keyingi Evropa chempionatida esa jamoa 2004 yildagi Evropa chempioni sohiblari Greciyaga yarim finalda imkoniyatni boy berishadi.
Ushbu qiyinchiliklardan so'ng, jamoa 2006 yil Germaniyada o'tkazilgan Jahon chempionati finaliga qadar boradi va hal qiluvchi bahsda Zidanning g'ayri-tabiiy harakatlari yakunda jamoasiga qimmatga tushadi va Italiya 2000 yilgi alamli final uchun o'z "o'ch"ini oladi.
Keyingi musoboqalarda ham Franciya na Evropa va na JARda bo'lib o'tgan mundialda o'zlaridan kutilgan natijana ko'rsata olishadi. Bu qoniqarsiz natijalar va futbolchilar va murabbiy o'rtasidagi yuzaga kelgan tushunmovchiliklardan so'ng, nihoyat Franciya futbol federatciyasi Raymon Domenekni o'z lavozimidan chetlatadi.
Franciya terma jamoasi bosh murabbiyligiga Loran Blan taklif etiladi va uning birinchi vazifasi etib, jamoada tartibni o'z o'rniga qo'yish belgilanadi. Loran Blan ikki yillik shartnomaga imzo chekadi va o'z ishiga kirishida. Blanning birinchi qilgan ishi bu ichki intizomni o'z nazoratiga oladi va har bir futbolchiga mamlakat madhiyasi yod olishlari kerakligini aytadi. Loran Blan jamoani Evro-2012ga olib chiqadi va u erda ular chorak final bosqichida Ispaniya bilan duch kelishadi. Aynan Ispaniyaga qarshi o'yinda mag'lub bo'lishib, chempionatni erta yakunlashadi. SHundan so'ng, Loran Blan ham o'z lavozimidan ketadi. Franciyani keyingi murabbiyi etib o'tmishdagi sobiq yarim himoyachisi bo'lgan Dide Desham tayinlanadi.

Franciya - 2000. Yulduzli tarkibning yulduzli onlari...

Hozirda Desham boshchilik qilayotgan Franciya mundialga puxta tayyorgarlik ko'rmoqda. Ular o'rin olgan "E" guruhida Dide Desham jamoasi favorit hisoblanadi. Qolgan grand jamoalarni guruhiga nisbatan, Franciyaga osonroq kvartet tushdi. SHveycariya, Ekvador va Gonduras kabi jamoalar Franciya uchun u qadar jiddiy raqib sanalmaydi. Franciya 14 yillik katta tanaffusdan buyon xalqaro musobaqalarda sovrin yuta olmasdan kelmoqda. Dide Desham ushbu mundialga Samir Nasrini olib ketmadi. Uning aytishicha, Nasri ichki muhitni buzib qo'yishi mumkin ekan. Franciya tarkibida yarq etib porlashi mumkin bo'lgan futbolchilar etarlicha topiladi. Masalan, Pol Pogba, Kabay, Varan, Debyushi, Olive Jiru, Benzema kabi futbolchilardan murabbiyning umidi katta.

Bu safargi urinish ular uchun qay tariqa yakun topishini esa Braziliyadagi chempionatdan so'ng bilib olamiz.

Franciya terma jamoasi shu kungacha 13 marta mundialda ishtirok etgan va bir bor chempion nomini qo'lga kiritgan. Jami o'tkazilgan 54 uchrashuvning 25 tasida g'alaba nashidasini surishgan bo'lsa, 11 o'yinda durang natijasi qayd etilgan va 18 bahsda maydondan boshlarini egib chiqib ketishgan. To'plar nisbati 96-68.


Franciya terma jamoasi haqida:

Tashkil topgan yil: 1904

Mintaqasi: UEFA

Bosh murabbiy: Dide Desham

Jamoa sardori: Ugo Loris

Eng ko'p o'yin o'tkazgan futbolchi: Lilian Tyuram (142 o'yin)

Eng yaxshi to'purar: Terri Anri (51 gol)

FIFA reytingidagi o'rni: 17

Ilk o'yini: Belgiya - Franciya 3:3 (1904 yil)

Eng yirik g'alabasi: Franciya - Ozarbayjon 10:0 (1995 yil)

Eng yirik mag'lubiyati: Daniya - Franciya 17:1 (1908 yil)

Erishgan yutuqlari:
Jahon chempioni: (1998)
Evropa chempioni: (1984, 2000)
Konfederaciyalari kubogi sohibi: (2001, 2003)
Olimpiyada g'olibi: (1984)  

Franciya terma jamoasining mundialga boradigan tarkibi:

Darvozabonlar - Yugo Loris ("Tottenxem", Angliya), Stefan Ryuffe ("Sent-Eten"), Mikael Landro ("Bastiya");

Himoyachilar - Mate Debyushi ("Nyukasl", Angliya), Lyuka Din ("PSJ"), Evra ("Manchester Yunayted", Angliya), Bakari Sanya, Loran Koselni (ikkisi – "Arsenal", Angliya), Elyakim Mangalya ("Portu", Portugaliya), Mamadu Sako ("Liverpul", Angliya), Rafael Varan ("Real", Ispaniya);

Yarim himoyachilar - Yoan Kabay ("PSJ"), Kleman Grene ("Lion"), Blez Matyuidi ("PSJ"), Rio Mavuba ("Lill"), Pol Pogba ("Yuventus", Italiya), Mussa Sissoko ("Nyukasl", Angliya), Mate Valbuena ("Olimpik"), Morgan SHnayderlen ("Sautgempton, Angliya")

Hujumchilar - Karim Benzema ("Real", Madrid, Ispaniya), Olive Jiru ("Arsenal", Angliya), Antuan Grizmann ("Real Sosedad", Ispaniya), Loik Remi ("Nyukasl", Angliya).

SHahboz Beg'amov tayyorladi.