Farruh Zokirov: Yaratgan vaziyatlarimizni golga aylantira olmadik

«Qanday sport turi bo'lmasin yuzaga kelgan imkoniyatlardan foydalana olmasa, maqsadiga eta olmaydi. Bizda ham shunday bo'ldi. Birinchi bo'limning o'zida bir emas bir nechta golli vaziyatlarni yuzaga keltirgandik, afsuski, bulardan foydalana olmadik.

Qolaversa, Maftuna SHoyimovaning yo'qligi ham bilindi. Yakunda esa raqiblarimiz g'alaba qozonishdi. Bu bilan hali hech nima tugamadi, hali imkoniyatimiz bor. Turkmaniston termasiga qarshi o'yinga tayyorgarlikni davom ettiramiz.

Yashirmayman, Avstraliya Filippin termasiga nisbatan kuchliroq ko'rindi. Lekin biz ularni natijasini kutishimiz kerak emas, o'z o'yinimizni ko'rsatib, faqat yutuq uchun maydonga tushishimiz talab etiladi».