JCH-2014. Dastlabki tur ramziy terma jamoasi

Saytimiz ijodkorlari ilk turning ramziy terma jamoasini tuzib chiqishdi.

Darvozabon: Salvatore Sirigu (Italiya)



Unga ko'ra darvozani Italiya terma jamoasi posboni Salvatore Siriguga topshiirdik. Buffoning kutilmagan jarohati tufayli PSJ posboni Angliyaga qarshi o'yinda maydonga tushdi. Aytish kerakki Sirigu o'zini yo'qotib qo'ymadi va inglizlarning bir qator xavfli zarbalaridan so'ng to'pni qaytardi. Italiya muhim o'yinda 2:1 hisobida zafar quchishida aynan posbonning ham hissasi borligi aniq.



Himoyachilar: Rikardo Rodriges (SHveycariya), Mats Xummels (Germaniya), Deyli Blind (Gollandiya)

Himoyada uchta futbolchi nomzodi tanlandi. Sababi turda juda ko'p gollar urildi, demak hujumchi va yarim himoyachilar yaxshiroq o'ynashgan. SHveycariyalik Rikardo Rodriges Ekvadorga qarshi o'yinda jamoasining eng yaxshi o'yinchilaridan biri bo'ldi. CHap qanot himoyachisi bo'lgan Rodriges nafaqat himoyada balki hujumda ham ajoyib o'ynadi. Jamoasi urgan ikkala golga ham pas berganini takidlash lozim.

Germaniya terma jamoasi dastlabki turning eng markaziy o'yinlaridan birida Portugaliyani 4:0 hisobida tor-mor etdi. U nemislar markaziy himoyasida Mertesaker bilan tandem hosil qildi va Ronaldu boshchiligidagi Portugaliyaga gol urish imkonini bermadi. Bundan tashqari bir necha marta oldinga o'tdi va bir vaziyatda Rui Patrisiu qo'riqlayotgan darvozaga gol urdi.

Gollandiyalik Deyli Blind otasi izidan borib futbolchi bo'ldi, ajoyib futbolchi bo'ldi. Mundialdagi debyut o'yinda amaldagi Jahon chempioni Ispaniyaga qarshi bahsda o'zini yorqin namoyish eta oldi. CHap qanotda ham himoya, ham yarim himoyada harakat qilgan Blind ikki aniq to'p uzatishi bilan o'yin taqdirini hal qildi.



Yarim himoyachilar: Xuan Kuadrado (Kolumbiya), Toni Kroos (Germaniya), Aren Robben (Gollandiya), Andrea Pirlo (Italiya)

Kolumbiya terma jamoasi uzoq tanaffusdan so'ng mundialda ishtirok etmoqda. Falkaosiz qolgan jamoada yana bir qator mashhur futbolchilar borligini barchaga ko'rsatishmoqda. Xuan Kuadrado Greciya bilan bahsda raqiblar himoyasiga ancha tashvish tug'dirdi. Ikkita golga pas bergan yarim himoyachi tur ramziy terma jamoasiga kiritildi.

Germaniyalik Toni Kroos markazda ajoyib harakat qildi. Portugaliyaga qarshi bahsda ajoyib paslar bilan hujumchilarni to'p bilan taminlab turdi, ulardan birida Xummels boshi bilan darvozani ishg'ol qildi.



Dastlabki turning eng yaxshi futbolchilaridan biri bo'lgan Aren Robbeni ramziy termaga kiritmasa adolatdan bo'lmas edi. Ispanlarning yirik hisobda taslim qilinishida Robbenning xizmatlari juda katta. Ikki-uch bor tezkor harakatlari bilan ispan himoyachilarini shoshirib qo'ygan Robben Kasilyas darvozasiga ikki bor to'p kiritishning uddasidan chiqdi. VIDEO. Uning so'nggi daqiqalardan to'xtatmasdan darvozaga yo'llagan zarbasidan so'ng to'pni Kasilyas qaytarmaganida turning eng chiroyli gollaridan biriga aylanardi. 



Hujumchilar: Tomas Myuller (Germaniya), Robin van Persi (Gollandiya), Karim Benzema (Franciya)

Ramziy terma jamoaning hujumidan uch nafar futbolchiga joy topildi. Ularning safi ko'proq bo'lishi mumkin edi, ammo jamoa 11 nafar futbolchidan iborat bo'lishini unutmang.

Germaniyalik Tomas Myuller Jahon chempionatlarida gol urish hadisini olgan shekilli, o'tgan mundialda 5ta gol urgan Myuller Braziliyadagi JCHda birinchi o'yindayoq 3ta to'p kiritdi! Agar shu taxlit davom etadigan bo'lsa mundiallarda eng ko'p gol urgan futbolchiga aylanishi mumkin.



Robin van Persi ilk turning eng chiroyli goli muallifi bo'ldi. VIDEO. Ikkinchi bo'limda Kasilyasning xatosidan so'ng o'z nomini tabloga yozdirib qo'yishga muvaffaq bo'lgan van Persi ramziy terma jamoaga kiritildi.

Franciya birinchi turda Gonduras bilan o'ynadi. To'g'ri raqib kuchsiz, buni ustiga o'yin davomida 10 kishi bo'lib qoldi, lekin deyarli uchta gol urgan Karim Benzema ushbu jamoaga kiritilishiga bu hech qanday sabab bo'lmadi. Sababi hujumchi o'zi ishini ajoyib tarzda bajardi va dublga erishdi. Ikkinchi gol urilgan vaziyatda aynan Benzemaning zarbasidan so'ng to'p darovza ustuniga tegib darvozabondan darvozaga borib tushdi va avtogol sifatida qayd etildi.


Bu bizning talqinimizga ko'ra tuzilgan ramziy terma jamoa. Siz ham o'z ramziy terma jamoaingizni tuzishingiz mumkin. Kommentlarda yozib qoldiring.