Jamshid Saidov: "Muxlislardan uzr so'rayman"

“Avvalombor, raqiblarni g'alaba bilan tabriklayman. Bizni qo'llab-quvvatlab turgan muxlislarimizdan esa uzr so'rayman. Futbolchilarimiz qo'lidan kelgancha harakat qilishdi, afsus gol urishni uddasidan chiqishmadi. Agar Suxrob Nematovning uchrashuv boshida yo'llagan zarabasi darvoza ustuniga emas, balki gol bo'lganida, shogirdlarimda o'ziga ishonch yanada ortardi va ijobiy natija qayt etilishi ham mumkin edi.

Kamchiliklar bor, ularning ustida jiddiy ishlaymiz. Lekin hozir biz tarkibni hech qanaqasiga kuchaytira olmaymiz, dastlabki davra yakunlanganidan so'ng albatta tarkib borasida jiddiy islohotlar qilamiz” - deya o'z so'zini yakunladi Saidov.