Yuriy Lukin: “Himoyadagi xatolarimiz pand berdi”

-O'yin jangovar ruhda o'tdi va muxlislarga yoqdi, deb o'ylayman. Bizga ayrim daqiqalarda himoya chizig'ida barqarorlik va sovuqqonlik etishmadi. SHu sabab bugun mag'lub bo'ldik. “Nasaf” yuqori saviyadagi jamoa. Tarkibdagi futbolchilar bir necha yillardan buyon birga to'p tepib kelishmoqda. Jamoaning o'z o'yin uslubi, o'z etakchilari bor. Bir necha yillardan buyon qarshiliklarning o'yinini kuzatib kelaman. Ular ko'rsatayotgan o'yin menga yoqadi, ochig'i...

-Vahobovni bugun ikkinchi taymga kelib maydonga tushirdiingiz...
-Biz uni ikkinchi bo'limga maydonga tushirib, o'yinni kuchaytirishni maqsad qilgandik. U ishonchni oqladi va gol urdi. Ammo bu kerakli natija uchun kamlik qildi.

-Joriy mavsumda jamoa oldiga qanday vazifalar qo'yilgan?
-Imkon boricha jadvalning yuqori pog'onalarini band etish. Ammo o'tkazilgan beshta tur doirasida biz “Paxtakor, “Bunyodkor” va “Nasaf” bilan kuch sinashishga majbur bo'ldik. Albatta, taqvim shunday tuzilgan. O'ylaymanki, bundan buyog'iga biz yaxshi natijalarni qayd eta boshlaymiz. Jamoamiz jangovar tarkibga ega va biz g'alabaga chanqoqmiz. Umuman bugungi o'yinda yigitlarimizning harakatlaridan qoniqdim. Ular jon jahdlari bilan harakat qilib o'ynashdi.