Yurgen Klopp: "Men qiziqarli va tomoshabop futbol shaydosiman"

- To'g'risini tan olsam, Dortmund bilan o'yinda durang qayd etilayotganida natijadan qoniqayotgandim. Keyin qo'limdagi soatga qarasam, uchrashuvning 77-daqiqasi ekan. Yarim finalga yo'l olish uchun ozgina qolganini tushundim va buning uchun vaqtimiz borligini yaxshi payqab turgandim. Ammo aynan g'alaba to'pini kiritib, yarim final masalasini asosiy vaqtda hal etishimizni kutmagandim. Mo'jizani kutilmaydi. G'alaba to'pidan so'ng xursandchilikdan ham ko'ra shok holati ko'proq edi. O'yindan keyin ko'z oldimda xursand yuzlarni ko'rganimdan so'ng shuni payqadimki, o'sha o'yin o'zgacha kecha bo'lgandi. Bu kabi o'yinlar hayotingda 500 martalab bo'lmaydi. Agarda sen juda ham omadli inson bo'lsang, unda faoliyating davomida bu kabi o'zgacha kechalar 10taga yaqin bo'lishi mumkin. O'sha g'alabadan keyingi tong boshqacha bo'ldi. Uyg'onganimda, naqadar go'zal va yoqimli g'alabani qo'lga kiritganingni yana bir bor eslaysan va bundan zavq olasan. Lekin negadir o'sha kuni juda ham yaxshi kayfiyatda emasdim. Negaligini ko'p vaqt tushunmadim. Keyin esa bildim. e ha, ular yutqazishdiku deb o'ylab qoldim. CHunki men Dortmundda 7 yilni o'tkazganman.  Ajoyib va esdan chiqmaydigan 7 yil! Men ularni qanday holatda bo'lganliklarini juda yaxshi bilardim. Mehmonada o'zlarini qanday tutganliklarini, qanday uxlashgani va ertalabki nonushtani qay kayfiyatda qilishganini men juda yaxshi bilardim. SHu bois o'zimni noqulay his qildim.
O'yin paytida maydon chetida o'zimni nega unday tutishimni to'g'risi tushunmayman. Har o'yinda har xil vaziyatlar yuzaga keladi. Men qilayotgan qiliqlar, ehtiroslarim har doim ham manoli bo'lavermaydi. Ammo bazida bu menga engillik beradi. O'zimni yaxshi his etishimda yordam beradi. Futboldan shunday zavq olaman. Asosan esa men futbolchilar uchun shunday qilaman.
O'yin falsafam? Mening jamoam har doim g'alaba qozonishini istayman. Bor gap shu. Aniqroq aytadigan bo'lsam, jamoam ko'rsatayotgan o'yindan muxlislar rohatlanib, futboldan zavq olishlarini istayman. CHunki futbol ishqibozlar dam olishi uchun o'ynaladi. Ularga tomoshabop o'yin ko'rsatish lozim. Ishqiboz stadionga kelib, o'yin zerikarli bo'ldi desa, unda keyingi safar kelish-kelmaslikni o'ylab qoladi. Mening jamoam ham to'pni nazorat qiladi. Lekin negadir bunga hech kim etibor qilmaydi. CHunki mening asosiy imijim pressing sanaladi. Men futbolda tomoshaboplikni yoqtiraman. Futboldan zerikmaslik kerak. Aksincha bo'lmog'i lozim.
"Vilyarreal" haqida gapiradigan bo'lsam, Ispaniya chempionatida to'rtinchi o'rinda borayotgan jamoa qanchalik kuchli ekanligini barcha biladi. Ular juda ko'tarinki ruhda ushbu mavsumni o'tkazishmoqda. Biz yarim finaldamiz. CHunki bunga munosib va haqli ravishda erishdik. Jamoam finalga qadar borishga qodir. CHunki biz kuchlimiz.