Yozda kim murabbiy bo'lishidan qati nazar "Manchester Yunayted" Keynni olib kelmoqchi

"The Athletic" xabariga ko'ra, mankunianliklar rahbariyati yozda hujum chizig'ini kuchaytirishni jiddiy maqsad qilib qo'ygan. Ehtimoliy variantlar orasida "Tottenxem" hujumchisi Xarri Keyn ham bor.

O'tgan yozda "Yunayted"ning sobiq vice-prezidenti Ed Vudvord "Tottenxem" prezidenti Daniel Levi bilan bu borada muzokaralar olib borgan. Ammo Jeydon Sancho uchun 73 million funt to'laganidan keyin klubda Keynni sotib olish uchun mablag' qolmagan.

SHartnomasi 2024 yil yozida yakunlanadigan Keynning sotib yuborilish extimoli oshmoqda. Agarda tomonlar shartnomani uzaytirishni istamasa, "Tottenxem" faqatgina 2022 yil yozidagina uni kattaroq summaga sotib yuborishi mumkin bo'ladi. "Yunayted" esa transfer uchun 100 million funt taklif qilmoqda.

Hozircha "Manchester Yunayted" yangi mavsum uchun bosh murabbiyni aniqlab olmagan. Ammo kim murabbiy bo'lib kelishidan qati nazar klub Keyn bilan shartnoma imzolashga urinib ko'radi.

Ushbu mavsumda Keyn "Tottenxem" tarkibida 41 o'yinda qatnashib, 22 gol urdi.