Xushxabar! Igor Sergeev uzoq tanaffusdan keyin ilk bor "Patum Yunayted"ning o'yin qaydnomasiga kiritildi
20 noy 2024 20:05
Yangiliklar
Xushxabar! Igor Sergeev uzoq tanaffusdan keyin ilk bor "Patum Yunayted"ning o'yin qaydnomasiga kiritildi
O'zbekiston terma jamoasi hujumchisi Igor Sergeev anchadan beri jarohatini davolash va maydonga qaytish uchun tiklanish jarayonini davom ettirib kelayotgan edi.
Yodingizda bo'lsa, Sergeev Osiyo Kubogining 3-turi doirasida shu yilning 23 yanvar kuni Avstraliyaga qarshi o'tkazilgan o'yinimizning 84-daqiqasida jarohat olgan edi. Keyinchalik hujumchi Dohadagi "Aspetar" shifoxonasida amerikalik taniqli jarroh shifokor Zikria Bashir tomonidan muvaffaqiyatli operaciya qilingan edi.
Oradan salkam 10 oy vaqt o'tib Sergeev o'z klubi "Patum Yunayted"ning o'yin qaydnomasidan joy oldi. Biroz avval "Patum Yunayted" Tailand kubogi doirasida "Port FK" mehmoni bo'ldi va 2:1 hisobida g'alaba qozondi. Igor esa uzoq tanaffusdan keyin yana qaydnomaga qaytdi. Lekin, buguncha u maydonga tushirilmadi.
Umid qilamizki, Igor Sergeev tez orada maydonga ham tushadi va o'z o'yini bilan muxlislarni yana mamnun qiladi.
O’xshash yangiliklar
championat.asia
Ўртоқлик учрашуви. Каннавародан ғалабали дебют, Ўзбекистон Кувайтдан устун келди
Криштиану Роналду: "Мақсад жаҳон чемпионатига чиқиш ва унда ғалаба қозониш"
Фабио Каннаваро Ўзбекистон миллий терма жамоасининг Уругвайга қарши ўйин учун қайдномасини эълон қилди: Норчаев чақирилди
Каннаваро: "Тимур Кападзе билан ўйин фалсафаларимиз ўхшаш"
Fikrlar