Xosep Gvardiola: "Keyingi bosqichga chiqqanimizdan xursandman"

- Biz juda yaxshi o'yin o'tkazdik, bu Angliya Kubogi uchun tipik xarakterdagi o'yin edi - shuning uchun ham bu musobaqa hayratlanarli. Biz ularning kuchli ekanliklarini va liniyalar bo'ylab ko'p harakatlanishini bilardik. Ular juda yaxshi jamoa va ajoyib boshqaruvga ega, ammo biz ham ko'plab imkoniyatlar yaratdik. Keyingi bosqichga chiqqanimizdan xursandman.

- Birinchi taymda jamoangiz qiyinchilikka uchradimi-yo'qmi?

- Menimcha, bunday emas. Dastlabki 10-15 daqiqa, ehtimol, shunday bo'lgandir, lekin raqib jamoa urgan ajoyib goldan so'ng biz o'yinni o'z qo'limizga oldik va ko'plab imkoniyatlar yaratdik.

-Fil Foden va Kevin De Bryuyneni o'yinga tushirishga majbur bo'lganidan afsuslandingizmi? 

- Aslo yo'q, ular aynan shu uchun bu erga keldi. Biz bu musobaqani juda jiddiy qabul qilamiz va buni eng to'g'ri qaror deb hisobladik. Kevinning goli meni xursand qildi, uning harakati juda yaxshi edi.

- Fil Foden bilan o'yin tugagandan so'ng nimalar haqida gaplashdingiz?

- Yo'q, ayta olmayman.

- Niko Gonsalesning jarohati haqida.

- Premer-ligaga va hakamlar dunyosiga xush kelibsan. Balki u hakamlar haqida bilar, chunki bu oson emasligini tushunaman. Ligadagi jamoalarga qarshi o'ynaganda nimadir qilish oson emas.