Xorvatiya yirik hisobda Kamerunni taslim etdi

"Amazoniya - Arena" stadionida Kamerun va Xorvatiya jamoalari o'zaro orani ochiq qilishga kirishishdi.

Dastlabki daqiqalardanoq faollik ko'rsatgan Kamerun terma jamoasi uchrashuv debyutida o'z maqsadlariga eta olishmadi. Mukenjaning bir qator urinishlari Kamerun uchun muvaffaqiyatli yakunlanmadi. Keyinchalik Xorvatiya ham o'z omadini raqib jarima maydonchasi oldidan qidira boshladi. 

Uchrashuvning 11-daqiqasida Xorvatiya hujum tashkil etdi.

Ivan Perishichning o'ng qanotdan etkazib bergan to'piga Ivica Olich tayyor turgan edi va to'pni deyarli bo'sh qolgan darvozagi joylab qo'ydi, 0:1.

Kamerun terma jamoasi faollikni tushirmay harakatlarini davom ettiraverdi, lekin ularning hujumlarida aniqlik etishmayotgan edi.

Birinchi bo'lim yakuniga etay deb qolganida Kamerun futbolchis Song Manjukichni ochiqchasiga "urayotganini"  uchrashuv bosh hakami Pedro Proensa ko'rib qoldi va tezda Songni maydondan chetlatdi. Umuman keraksiz joyda qizil ishlab olgan Song jamoasini qiyin vaziyatga tushirib ketdi. 

Ikkinchi bo'limni Xorvatiya terma jamoasi faollik bilan boshladi va tezda ikkinchi golni kiritishdi. Maydon markazidan to'pni olib qo'ygan Perishich, bir o'zi raqib jarima maydonchasi oldigacha keldi va Itanje qo'riqlayotgan darvozani ishg'ol etdi, 0:2.

Kamerun ikkinchi bo'limda Xorvatiya bilan teng kurasha olmadi va ko'p bora raqib hujumlarini o'tkazib yuboraverdi.

73-daqiqada burchak to'pidan so'ng, Mario Manjukich boshi bilan darvozani ishg'ol etdi va hisobni yiriklashtirdi, 0:3.

Oradan ko'p o'tmay, Mario Manjukich o'z dublini nishonlashga erishdi. Eduardoning darvozaga yo'llagan zarbasini Itanje qaytarib yubordi va qaytgan to'pni Mario Manjukich qiyinchiliksiz darvoza joylab qo'ydi, 0:4.

Xorvatiya Kamerun ustidan yirik g'alabani tantana qildi va guruhdan chiqish imkoniyatini saqlab qoldi.

Endi Niko Kovach jamoasi uchinchi turda Meksika bilan keyingi bosqich yo'llanmasi uchun bellashishadi.

JCH-2014. "A" guruhi, 2-tur.

Kamerun - Xorvatiya 0:4
19 iyun. 03:00
Bosh hakam: Pedro Proensa (Portugaliya)
Yordamchi hakamlar: Bertino Miranda (Portugaliya), Xose Trigo (Portugaliya)
Zaxira hakami: Uolter Lopez (Guatemala)

Gollar: Olich (11), Perishich (48), Manjukich (62, 73)

Kamerun: Itanje, Assu-Ekoto, Nkolou, Song, Mukanjo, Abubakar (Vebo, 70), CHupo-Moting (Salli, 75), CHejou (Noenku, 46), Mbia, Enox, Matip.

Xorvatiya: Pletikosa, Pranich, Perishich (Rebich, 78), CHorluka, Rakitich, Lovren, Modrich, Srna, Manjukich, Olich (Eduardo, 69), Samir (Kovachich, 72).

Ogohlantirish: Eduardo (90)

CHetlatish: Song (40).

SHahboz Beg'amov.