Xo'jand shahridagi "Tojikiston Mustaqilligining 20 yilligi" stadioniga fotosayohat

Bugun bo'lajak uchrashuv oldidan rasmiy tadbirlar bo'lib o'tdi. Championat.asia saytining ikki xodimi bo'lajak uchrashuvni yoritib borish maqsadida Xo'jand shahriga yo'l oldi. Ular o'yin oldi matbuot anjumani hamda "So'g'diyona" klubining o'yinoldi mashg'ulotlariga oid fotosuratlar taqdim etishdi.

Murabbiylar bo'lajak o'yin oldidan qanday fikrda?

"Bizning jamoa O'zbekiston chempionatining so'nggi turida safarda g'alaba qozondik va bo'lajak o'yinga ham jismoniy, ham ruhiy tomonlama yaxshi holatda etib keldik. Ertangi bahsga tayyormiz.

"Xo'jand" jamoasini yaxshi bilamiz. Maqsadlari ulkan va yosh jamoa. Yaxshi futbolchilarga ega. Raqib o'z maydonida o'ynashi ularga ustunlik beradi. Uchrashuv mahalliy vaqt bilan 15:30da boshlanadi, bu degani xato qilishga haqqimiz yo'q. Agar xato qilsak uni to'g'rilashning imkoni bo'lmaydi", - dedi "So'g'diyona" bosh murabbiyi Ulug'bek Baqoev.

Ertangi o'yin bo'yicha gapiradigan bo'lsak, raqibimiz "So'g'diyona" o'yinini o'rganib chiqdik. Ammo biz o'z o'yinimiz va tayyorgarligimizga etibor qaratamiz. Tayyorgarligimizga yarasha o'yin ko'rsatamiz degan umiddaman. O'ylaymanki, muxlislarimizni xursand qila olamiz.

"So'g'diyona"ning darajasi oldin guruh bosqichida to'qnash kelgan klublarimizdan yuqori. Qaytaraman, biz raqibni yaxshi bilamiz va tayyorgarlikka katta etibor qaratdik. Yozgi transfer oynasida Elchibek Rashidbekov, Sergey Garanja va boshqa yosh futbolchilar orqali tarkibimizni kuchaytirdik. O'ylaymanki, mavjud futbolchilarimiz uchrashuvga tayyor. Jizzax klubiga qarshi o'yinimiz hammasini ko'rsatib beradi", – dedi "Xo'jand" bosh murabbiyi Rustam Xo'jaev.

Kechga yaqin Jizzax klubi o'yinoldi mashg'ulotini o'tkazdi. Yig'inda barcha futbolchilar ishtirok etdi. Saytimiz fotografi Tolibjon Qosimov bo'lajak uchrashuv oldidan maydonning qay darajada tayyor ekanligini o'z suratlari orqali namoyon etdi. 

Birozdan so'ng "So'g'diyona" klubi mashg'ulotidan fotogalereya hamda jamoa hujumchisi SHohro'z Norxonovning bo'lajak o'yin haqidagi fikrlari bilan o'rtoqlashamiz.

Eslatib o'tamiz, Markaziy mintaqa finali 17 avgust, soat 15:30 da "Tojikiston Mustaqilligining 20 yilligi" stadionida bo'lib o'tadi. 

FK Khujand

AFC Cup Final Stage . 1/8-tur 17/08/2022, 15:30 4 : 0 Tugadi

Sogdiana

45'

90'

Match-senterda ochish