Xitoyning Kuytun shahri meri boshchiligidagi delegaciya "Qo'qon-1912" mehmoni bo'ldi

"Qo'qon shahri hokimligida ikki tomon rasmiylari va ishbilarmon doiralari o'rtasida o'tkazilgan muloqot chog'ida davlatlarimiz rahbarlarining tashabbuslari bilan turli sohalarda o'zaro manfaatli aloqalar rivojlanib borayotgani takidlab o'tildi.

Kuytun shahri meri Altay Saken boshchiligidagi delegaciya azolari shahrimiz hokimi Marufjon Usmonov hamrohligida "Qo'qon-1912" jamoasiga qarashli "Markaziy" stadioniga tashrif buyurishdi. 

"Xitoylik mehmonlar o'zbek futbolining eng birinchi jamoasi tarixi bilan qiziqishdi. Jamoa rahbari Akramjon Mamadaliev mehmonlarga jamoaning tarixi hamda ushbu kundagi jamoa haqida so'zlab berdi. Mehmonlar futbolchilar bilan suhbatlashib, esdalik uchun suratga tushishdi. "Markaziy" maydonida Kuytun hamda Qo'qon shahri hokimlari o'zaro to'p tepish bo'yicha kichik bellashuvga kirishdilar.

Jamoa rahbariyati tomonidan janob Altay Sakenga mehmonning ismi tushirilgan "Qo'qon-1912" formasi hamda boshqa esdalik sovg'alar taqdim qilindi. Kuytun shahri merida "Qo'qon-1912" jamoasining tarixi katta taassurot qoldirdi.

Har ikki hokimlar Qo'qon va Kuytun shaharlari o'rtasida do'stlik aloqalarini rivojlantirish borasidagi memorandumni imzoladilar", – deyiladi klub matbuot xizmati xabarida.