Xitoy. Anzur Ismoilovda 90 daqiqa, Filiposyan o'ynamadi

Xitoy superligasi

Hamyurtimiz Artyom Filiposyan to'p tepayotgan "Lyaoning Xongyun" klubi o'z uyida "Xenan Czyanie"ni qabul qilib 1:0 hisobida g'alaba qozondi.

Filiposyan uchrashuvni zaxiradan kuzatdi. "Lyaoning" 12 uchrashuvda 13 ochko to'plab musobaqa jadvalining 13-pog'onasida bormoqda. Klub keyingi o'yinni 21 may kuni safarda "CHanchun Yatai"ga qarshi o'tkazadi.

"Lyaoning Xongyun" - "Xenan Czyanie" 1:0
Gollar: Yevtich 71

Anzur Ismoilov faoliyat olib borayotgan "CHanchun Yatai" klubi safarda "Tyanczin Teda"ga qarshi o'ynadi. Bahsda maydon egalari 2:1 hisobida g'alaba qozonishdi. Uchrashuvda Ismoilov doimgidek to'liq o'ynadi. Klub 9 ochko bilan musobaqa jadvalining 15-pog'onasidan o'rin olgan. "CHanchun" endi 21 may kuni o'z maydonida "Lyaoning Xongyun"ni qabul qiladi.

"Tyanczin Teda" - "CHanchun Yatai" 2:1
Gollar: Xu Rentian 64, Zou Xaibin 69 - Bechiray 46.