Xavi 0:3 haqida: "Biz raqib darajasiga mos emasdik"

"Qo'llab-quvvatlaganliklari uchun muxlislardan minnatdorman. Stadionda ajoyib atmosfera yuzaga keldi. Bu etibor va hurmatla loyiq. Ammo afsuski biz bunga yarasha o'z o'yinimiz bilan javob bera olmadik. 

Ammo keling, CHempionlar ligasidan biroz chalg'iymiz va haqiqatni aytamiz. Avval aytganimdek, biz hali o'sishimiz kerak.

Etarlicha kurasha olmadik, raqib darajasiga mos emasdik. "Bavariya" juda yaxshi jamoa. Bizdan yaxshiroq. O'yin boshlanmasdanoq chiqib ketganimizni bilish holatimizga tasir ko'rsatganiga ishonchim komil. 

Biz qiyin guruhga tushib qoldik va ko'p vaziyatlar bo'ldi. Ammo bugun kurasha olmadik. Boshqa kunlari ha, bugun esa yo'q. 

Birdamlikni saqlab qolish lozim. Mavsum oktyabr oyida tugamaydi. Natija hafa qildi, ammo hali qo'lga kiritish mumkin bo'lgan sovrinlar bor. Biz bundan ko'prog'iga loyiq edik", - dedi Xavi.