Xarri Keyn: "Angliya anchadan beri finallarda o'ynamadi. Biz bu imkoniyatdan foydalanishimiz kerak"

"Bizni juda qiyin o'yin kutib turibdi. Italiya ajoyib jamoa. Ularda g'alabalarga boy tarix bor. Italyanlarda jamoaviy o'yin juda zo'r shakllangan.

Maydonda shafqatsiz jang bo'ladi. Biz o'z o'yinimni ko'rsatsak bo'lgani. Bunday katta finallarda kichik detallar hammasini hal qiladi.

Evro biz uchun katta ahamiyatga ega. Bu aniq. Terma jamoadagi bunday sovrin, klub miqyosidagi istalgan chempionlikdan ustunroq. Angliya anchadan beri finallarda o'ynamadi. Biz bunday imkoniyatdan foydalanish uchun tish-tirnog'imiz bilan harakat qilishimiz kerak", -dedi Xarri Keyn. 

Eslatib o'tamiz, Italiya va Angliya termalari o'rtasidagi final 11 iyul kuni 23:59 da o'tkaziladi.