Xakim Fuzaylov: Tojikiston terma jamoasi Osiyo Kubogiga chiqmoqchi

Filippin - Tojikiston uchrashuvi 27 mart kuni Manila shahridagi stadionda bo'lib o'tadi. O'yin Toshkent vaqti bilan soat 16:30da boshlanadi.
 
— Filippin haqida etarlicha malumotga egamiz. Bu jamoa bilan Dushanbeda o'yin o'tkazgandik, afsuski o'shanda 3:4 hisobida yutqazib qo'ygandik. Filippin juda yaxshi rivojlanayotgan jamoalardan biri, raqib ustozi Tomas Duliga va butun jamoaga hurmat bilan qarayman.

Osiyo Kubogiga chiqish uchun ertaga faqat g'alaba qozonishimiz kerakligini bilardik. Bu vazifani hech kim bizdan olgani yo'q, Osiyo Kubogiga chiqmoqchimiz. Bazi yigitlarda kichik jarohat bor edi, ammo ertangi bahsga barcha tayyor bo'ladi deb o'ylayman.

Filippin bilan Dushanbedagi o'yin natijasi tufayli bosim bormi? Hech qanday bosim yo'q. O'sha uchrashuvdan so'ng ko'plab o'yinlar o'tkazdik. Filippinning kuchini bilamiz, bahs juda og'ir bo'lishini bilamiz, - deydi Fuzaylov. 

Malumot uchun, so'nggi turdan oldin Tojikiston terma jamoais 7 ochko bilan guruhda 3-o'rinda bormoqda. Yaman so'nggi turda Nepal bilan o'ynaydi. Guruhda dastlabki ikki o'rinni olgan jamoalar BAAda bo'ladigan Osiyo Kubogiga yo'llanma olishadi.