"Vodiy futboli": Bugungi o'yinlardan oldin

"Andijon": Andijonda oxirgi uch o'yinda "Metallurg"ni mag'lub eta olmaganmiz

“Andijon” va “Metallurg”oliy ligada jami 31 bora to'qnash kelgan. Kichik ustunlik “Metallurg” tomonida. 13ta o'yinda bekobodliklarning qo'li baland kelgan. 10ta o'yinda “burgutlar” g'olib bo'lishgan. Yana 8ta o'yinda durang natijasi qayd etilgan.

“Andijon” o'z uyida 9 marta muvaffaqiyat qozongan. Vodiyda 5 bor durang qayd etilgan. “Metallurg” bu raqib maydonidan faqat bir bor g'alaba bilan qaytgan (2011 yil). Oxirgi uch uchrashuvda “burgutlar” o'z maydonida “Metallurg”ni mag'lub eta olmayapti.

"Andijon" - "Metallurg" uchrashuvi 16:00da "Sog'lom Avlod" stadionida bo'lib o'tadi.


"Qo'qon-1912": Bugun "Lokomotiv"ga qarshi o'yin

“Qo'qon-1912” va “Lokomotiv” klublari bundan oldin oliy ligada faqat bir marta to'qnash kelishgan. Ushbu o'yin 2015 yilning birinchi davrasida bo'lib o'tgan. Toshkentdagi “Lokomotiv” stadionida bo'lib o'tgan uchrashuvda Temurxo'ja Abduxoliqovning urgan yagona goli hal qilgandi – 1:0.

Uchrashuv 16:00da Qo'qondagi "Markaziy" stadionda boshlanadi.

 
"Navbahor": "Olmaliq" bilan 16-to'qnashuv

Bu ikki klubning yo'llari oliy liga o'yinlarida 15 bor kesishgan. Ustunlik “Olmaliq” tomonida. 7ta o'yinda “Olmaliq”ning qo'li baland kelgan bo'lsa, 5ta uchrashuvda “Navbahor” g'olib chiqqan. Yana 3ta bahsda g'olib aniqlanmagan.

Olmaliqda o'tgan 7ta o'yinning to'rttasi “Olmaliq”, ikkitasida “Navbahor” g'alabaga erishgan. Bitta o'yinda durang qayd etilgan. Oxirgi ikki o'yinda “Olmaliq” o'z uyida 3tadan gol urgan. "Olmaliq" va "Navbahor" o'rtasidagi o'yin bugun soat 17:30da boshlanadi.