“Vodiy futboli”. Nodirbek Qo'ziboev safdan chiqdi

Bugundan “Andijon” jamoasining 10-turda “Metallurg”ga qarshi o'yinga tayyorgarligi jiddiy boshlandi.

Bekobodda o'tadigan ushbu bahsda andijonliklar ochko olishni maqsad qilganlar. Ammo “Metallurg”ga qarshi uchrashuvda jamoamiz etakchi o'yinchisiz maydonga tushadi. Ibrohim Otaxonov bilan Sanjar Asqaraliev bu o'yinda “Andijon”ga yordam bera olishmaydi. CHunki bu futbolchilar “Navbahor” bilan bo'lgan bellashuvda qizil kartochka olib maydonni tark etishdi. SHunday bo'lsa-da, jarohat sababli uchta o'yindan beri jamoaga yordam bera olmayotgan Rasul Rahmonov Bekobodda safga qaytishi mumkin.

“Qo'qon-1912”: Nodirbek Qo'ziboev safdan chiqdi

Tajribali futbolchi Nodirbek Qo'ziboev “SHo'rtan”ga bahsda o'yin qaydnomasiga kiritilmadi. Bunga sabab futbolchi jaroxati borligidir. Katta extimol bilan 30 yoshli futbolchi yakshanba kuni “Lokomotiv”ga qarshi o'yinni ham o'tkazib yuborishi kutilmoqda. Biz esa Qo'ziboevga tezroq safga qaytib, muxlislarni quvontirishini tilab qolamiz.

“Navbahor”: Baxtiyor Ashurmatov keyingi o'yinni ham o'tkazib yuboradi

Namanganliklar ham bugun o'z qarorgohida yig'ilib, navbatdagi o'yinga tayyorgarlikni boshlaydi. “Lochinlar” shanba kuni o'z maydonida “Olmaliq”ni qabul qiladi. Aytishlaricha, Baxtiyor Ashurmatov ayni damda jamoa bilan birga emas. Boisi murabbiy BAAda bo'layotgan Osiyo chempionati "B" guruhi saralash o'yinlarini bevosita kuzatish maqsadida safarga jo'nab ketgan. Bosh murabbiyning yakin 2-3 kunda Namanganga qaytib kelishi kutilmoqda. Aytish lozimki, Baxtiyor Azamovich “lochinlar”ning “Olmaliq”qa qarshi kechadigan bahsida ham diskvalifikaciya tufayli zaxira o'rindig'ida bo'la olmaydi.

“Neftchi”: “Nasaf” bilan o'yinga tayyorgarlik boshlandi

O'tgan shanba kuni Toshkentda “Paxtakor”ga 2:0 hisobida imkoniyatni boy bergan “Neftchi” futbolchilari bir kunlik dam olishdan so'ng bugun yana o'z qaorgohida yig'iladi. Jamoa matbuot xizmatining aytishicha, futbolchilar tushlikdan so'ng Qirgulida yig'iladi va “Nasaf” bilan o'yinga tayyorgarlik boshlanadi. Eslatib o'tamiz, farg'onaliklar kelayotgan shanba kuni o'z maydonida “ajdarlar”ni qabul qiladi.