Vitaliy Levchenko "Paxtakor"ning kuchli va ojiz nuqtalarini aytdi

- Qisqacha aytadigan bo'lsam, yaxshi o'yin bo'ldi. Muxlislar, mutaxassislarga ham maqul keldi. Jamoalar tezkor, intensiv o'ynashdi. Balki sezilarli darajada hududlarni berib qo'ygandirmiz. CHunki raqiblarning qanotlarini yopish kerakligini bilardik. Tarkibida tezkor futbolchilar ko'p.  O'yinni ko'rdingiz, ikkala jamoa darvozalari yonida bir qancha vaziyatlar bo'ldi. Qarshi hujumdan keyin raqiblarga bir qancha vaziyatlarni sovg'a qildik. Afsuski, yaratgan vaziyatlarimizdan bir qanchasidan foydalana olmadik. Umuman olganda yaxshi o'yin bo'ldi, muxlislar bundan zavq olishdi va shunday o'yinlarga kelishadi.

- G'alaba bilan tabriklaymiz. "Paxtakor"ga qarshi jamoalar asosan ikki baravar kuch bilan o'ynashadi. Bugun biz "Neftchi"ning maksimal darajasini ko'rdikmi yoki jamoa yana rivojlanadimi?

- Jamoamizda potencial yuqori. Bugungi o'yinda jismoniy jihatdan yaxshi ko'rindik. Bir qancha vaziyatlarni boy berdik, ayrimlarida raqiblardan ustun edik. Bir tomondan olib qaralsa, bu oddiy holat. "Paxtakor" - O'zbekiston chempioni. SHu sababli barcha jamoalar uch ochko olish uchun tushishi tabiiy. 

- Bugun jamoa atayin "Paxtakor" uchun qanotlarini yopib o'ynadimi yoki uch markaziy himoyachi uslubi "Neftchi"ning mavsum uchun rejasimi?

- Yo'q. Ahamiyat bergan bo'lsangiz, 2022 yilda ham shunday o'yin uslubida o'ynagandik. Biz har tomonga ketib qolavermaymiz. O'z futbolchilarimning imkoniyatini bilgan holda ulardan foydalanishga harakat qildim. Bizda tezkor qanot vingerlari bor, endi taran hujumchiga ham ega bo'ldik. SHu sababli biz futbolni o'zimiz ko'radigan uslubdagi futbolchilarni tarkibga olib keldik, bu o'z mevasini bermoqda. Ular rejadagi kabi o'ynamoqda.

- "Paxtakor" avvalgidan ko'ra kuchsizroq ko'rinmayaptimi?

- Yo'q, "Paxtakor" qanday kuchli bo'lsa, shunday kuchli. SHunchaki, barcha murabbiylar o'tirib, taxlil qilishni boshlashdi. Tabiiyki, ularga qarshi uslublar ham topilmoqda. Agarda "Paxtakor"ning dastlabki tur o'yinini tomosha qilgan bo'lsangiz, "Olimpik" tezkor qarshi hujumlarda o'ynadi. Demak, "Paxtakor" unchalik tezkor bo'lmagan ikki markaziy himoyachilarga ega. Buni aytishim mumkin. Ularning elkasi ortida katta bo'shliq paydo bo'ladi. Barcha zamonaviy jamoalar hozir qanday o'ynash, qay tariqa g'alabaga erishishni o'ylamoqda. O'z navbatida biz ham taxlillar amalga oshirganimizni rad qila olmayman. Yig'inlar davomida "Paxtakor"ning 3-4 o'yinlarini tomosha qildim. 0:3 hisobida mag'lub bo'lgan uchrashuvida ham katta tashabbusga ega bo'lgan va qarshi hujumlardan gol o'tkazib yuborgandi. Futbol joyida turmayapti. Barcha o'ylamoqda, taxlil qilmoqda, o'rganmoqda. "Paxtakor"ni kuchsiz tomonlarini o'rganib chiqqandik. Gollar asosan standartlardan keyin urildi. Bu borada ham ishlash kerak.