Viktor Karpenko: "Jamoamiz ko'rsatgan o'yin menga yoqdi"
16 may 2022 22:18
Yangiliklar
![](https://championat.asia/upload/storage/701014_original.jpg)
![](/upload/storage/701014_220.jpg)
Viktor Karpenko: "Jamoamiz ko'rsatgan o'yin menga yoqdi"
"Juda og'ir o'yin o'tkazdik. Ko'rgan bo'lsangiz, uchrashuv davomida jamoalarda ko'plab vaziyatlar yuzaga keldi. Ochig'ini aytaman, bugun jamoamiz ko'rsatgan o'yin menga yoqdi. Futbol o'ynash uchun qulay vaqt, ob-havo ham ko'ngildagidek edi. Muxlislar futbolning jozibadorligini yanada oshiradi deb o'ylayman. Yigitlar juda yaxshi o'yin namoyish etib berishdi.
Natija uchun intilish, kurashish bu juda yaxshi xolat. Futbolda harakat qilmasdan natijaga erishish qiyin.
Sultonov va Rahmonaliev maydonga tushmagani jamoamiz uchun yo'qotish hisoblanadi. Kim o'yinga to'liq tayyor ekanligidan kelib chiqib tarkib tanladim. Har bir futbolchining maydondagi vazifasi haqida alohida tushuntirishlar olib bordik.
Rahbariyat bizga kurashuvchan xarakterga ega jamoa shakllantirish vazifasini qo'ygan.
Markazda muammolarimiz bor edi, imkon boricha yo'qotishlar o'rnini munosib futbolchilar bilan to'ldirishga harakat qildik.
Bosh murabbiy sifatida Qosimov va AGMKga qarshi o'yin? Ha, bu murabbiy uchun faxr va kishini g'ururlantirmasdan qolmaydi. AGMK kuchli jamoa va har doim o'z oldiga yuqori natijalarni maqsad qilgan. Ularga navbatdagi o'yinlarda omad tilayman", – dedi Karpenko.
O’xshash yangiliklar
![AMP Logo](https://championat.asia/image/logo-amp.png)
Fikrlar