Viktor Jalilov: "Manchester Siti" va "Atletiko" ham mavsum boshida ochko yig'ishda qiynalishgandi..."
12 may 2021 21:20
Yangiliklar
Viktor Jalilov: "Manchester Siti" va "Atletiko" ham mavsum boshida ochko yig'ishda qiynalishgandi..."
- Birinchi navbatda, barcha muxlislarni, shu erga yig'ilganlarni Hayit bayrami bilan tabriklamoqchiman. Bugun futbolchilar namanganlik muxlislarga yaxshi sovg'a hozirlashdi. Birinchi bo'limda ishimiz qouvshmadi. CHempionatda atigi bitta o'yinda g'alaba qozonib, Namanganda yutuqqa erisholmaganimiz ruhiy kamchiliklarni vujudga keltirgandi. Bugun ikkinchi bo'limda, nihoyat, uzoq kutilgan o'yinni namoyish etishdi, - deydi Viktor Jalilov.
- Hozir biz tarkibni shakllantiryapmiz, lekin baribir, futbolchilarning bir-birlarini tushunib o'ynashlari uchun vaqt kerak. Mavsum boshida ayrim futbolchilar ketishdi, ularning o'rniga yangi o'yinchilar kelishdi. Ularning moslashishlari malum muddatni talab etadi. Moslashish jarayoni biz xohlagandek kechmayapti. Asosiysi, shogirdlarim berilgan ko'rsatmalarga asta-sekin moslashib borishmoqda. Individual o'yin bobida muammo yo'q, jamoaviy o'yinni tashkil etish borasida esa hali qiladigan ishlar bor.
- O'ylashimcha, tarkibimizda mahoratli futbolchilar bor. Ular yordamida jiddiy maqsadlarni ko'zlashimiz mumkin. Muhimi, tarkib o'zagi shakllangan. "Manchester Siti" va "Atletiko" kabi klublar mavsum boshida ochko yig'ishda qiynalishgandi, oxiriga kelib vaziyatni o'nglashga erishishdi. Asta-sekin o'yinimiz yaxshilanishi va ijobiy natijalarga erishishimizga ishonaman.
- Avilovning jarohati bor, davolanyapti. U o'z shifokori bilan davolanmoqchiligini bildirdi. SHuning uchun tarkibda ko'rinish bermayapti", - deydi Jalilov.
"Navbahor" matbuot xizmati
Fikrlar