"Valensiya"ga qarshi o'yinda Vinisius bilan nima sodir bo'ldi? U nega chetlatildi?

"Valensiya" "Real"ni 107 daqiqa davom etgan o'yinda mag'lub qilishga erishdi. Biroq, o'yindagi asosiy voqea Vinisius bilan sodir bo'ldi. 

Ikkinchi bo'lim oxirlarida "Valensiya" muxlislari Vinisiusni "ahmoq" deya haqoratlashdi. O'yinni esa sakkiz daqiqaga to'xtatishga to'g'ri keldi.

Ushbu vaziyatdan biroz oldin "Real" hujumga o'tayotganda maydonda ikkita to'p paydo bo'ldi. Ikkinchi to'pni tribunadan maydonga otishgandi. O'sha vaziyatda Vinisius to'p bilan oldinga o'tayotgan edi, ammo uni qo'rpollik bilan to'xtatishdi. Raqib o'yinchisiga sariq kartochka ko'rsatildi va jarima to'pi belgilandi. SHundan so'ng esa Vinisius va "Valensiya" muxlislari o'rtasida mojaro kelib chiqdi. 

Vini va bir necha "Real" o'yinchilari raqib darvozasi ortidagi tribunaga yuqinlashishdi. Vinisius esa qo'llari bilan kimgadir ishora qildi va hakamning etiborini o'sha nuqtaga qaratmoqchi bo'ldi. 

Bir necha manbalar ushbu holatda Vinisiusga nisbatan irqiy kamsitishlar bo'lganini yozishdi. UOL nashrining yozishicha, braziliyalik vingerni "Valensiya" futbolchilari maymun deya haqoratlashgan. Bundan tashqari, birinchi bo'lim davomida muxlislar Vinisiusga nisbatan "Naqadar yomonsan, Vinisius, naqadar yomonsan" deya baqirishgan. 

Ikkinchi bo'limning qo'shib berilgan daqiqasida esa Vinisius qo'pollik sabab chetlatildi. Vini Ugo Duroning yuziga urgani VAR yordamida tekshirildi va braziliyalik qizil kartochkaga loyiq ko'rildi. Biroz avval Vinisiusni tomog'idan bo'g'ib olgan "Valensiya" futbolchisi Duro esa xatto sariq kartochkaga ham loyiq ko'rilmadi. Vinisius Junior esa maydonni istehzoli qarsaklar ila tark etdi.