Vadim Abramov Yaman bilan o'yindan so'ng nimalar dedi?

Ushbu bahsdan so'ng matbuot anjumani tashkil etilmadi. SHunday bo'lsada, O'FA matbuot xizmati terma jamoamiz ustozi Vadim Abramovning fikrlarini taqdim etdi. 

"Bunday o'yinlar umringizni yarmiga qisqartiradi. O'yin juda qiyin o'tdi. Umuman olganda barcha o'yinlar shunday bo'ladi. Kimlardir bu o'yinda osonlikcha g'alaba qozonamiz deb o'ylagandi. 

Ular bilan Saudiya ham 2:2 o'ynagan. Yomon jamoa emas, ularga moslashdik, o'z o'yinimizni namoyish etdik.

Endi bundan hulosa chiqaramiz. Bugun Saudiya Arabistoni ham qiynaldi. Tushunishimcha, ular 85 daqiqagacha gol ura olishmadi. SHuningdek, iqlim sharoiti ham oson emas. Endi tiklanib, Saudiya bilan o'yinga tayyorlanishimiz lozim.

Birgina harakat bilan hujumchini oldinga olib chiqmoqchi edik, braklar ko'p bo'ldi, o'z futbolimizni ko'rsata olmadik. Ammo, vaziyatlarimiz bo'ldi, ulardan foydalanganimizda xotirjam o'ynay olardik. Afsuski, ularning darvozaboni yaxshi harakat qildi. SHunday bo'lsada yigitlardan minnatdorman, hisobni ushlab qola olishdi. 

Bunday hisobda oxirgi daqiqalar hayajonda o'tadi. Endi saudiyaga tayyorlanamiz. 

U 90 daqiqa o'ynashi lozim edi, u yana sariq kartochka olmasligiga ishonardim, chunki u aqlli futbolchi, ammo o'z imkoniyatlaridan past o'ynadi. (Ushbu vaziyatda murabbiy katta ehtimol bilan Masharipov haqida gapirdi)

Umar Eshmurodov haqida: Afsuski, birinchi taymda hayajonlandi, MTJ futbolchilarida o'yin tajribasi bo'lishi kerak, shuning uchun tajribali Ashurmatovni tushirdim, u yaxshi o'ynadi", - dedi Abramov.