Vadim Abramov O'zbekiston kubogi guruh bosqichidagi qura haqida o'z fikrini bildirdi

Eslatib o'tamiz, Samarqand klubi O'zbekiston kubogi "B" guruhida "Andijon", "Surxon" va yana bir saralashdan o'tgan jamoa bilan bahs olib boradigan bo'ldi.

"Odatdagidek, kuchli guruhlardan biriga tushdik. Qiziqarli o'yinlar bo'ladi. Pley-offga chiqish uchun kurashamiz. Qizig'i, o'tgan mavsumdagidek kuchli raqiblar yig'ildi. "Andijon" kubokning amaldagi g'olibi, "Surxon" yarimfinal ishtirokchisi. "Andijon" bilan o'tgan yil ham bir guruhda edik va Andijonda 2:2 o'ynagandik. Bu safar yana Andijonga boramiz. O'z o'yinimizni ko'rsatishimiz va kurashish kerak. Muxlislarni qiziqarli o'yinlar kutib turibdi", - dedi Abramov.