Vadim Abramov: "Neftchi" yaxshi selekciya olib bordi. Qiziqarli o'yin bo'ladi"

"O'yinga tayyorgarlikni Samarqandda davom ettirayapmiz. Ob-havo sababli maydon bo'yicha muammolar bo'lishi tabiiy, bor imkoniyatdan foydalanib tayyorgarlikni davom ettirayapmiz. Ilk o'yinni o'z maydonimizda o'tkazishni istardik, hozirda maydonimiz yangilandi va umid qilamanki, bir oydan keyin Samarqandda o'ynaymiz. 

Tarkibda faqatgina braziliyalik o'yinchimizning (Ratino) jarohati bor, yakka tartibda shug'ullanmoqda. Qolganlar o'yinga tayyor. O'tgan o'yinda bo'lmagan Ulug'bek Abdullaev va Emmanuel Yagr ham jamoaviy mashg'ulotlarda ishtirok etmoqda.

"Neftchi"ni Turkiyada kuzatgandik, yaxshi selekciyani olib bordi. Yuqori maqsadlarni qo'ygan hurmatga loyiq raqibga qarshi qiziqarli o'yin bo'ladi", - deydi Vadim Karlenovich.

"Dinamo" klubi matbuot xizmati