Vadim Abramov: "Hisob o'yinga mos bo'lmadi"

- Hisob o'yinga mos bo'lmaydi deb o'ylayman. Birinchi bo'limda xatolarimiz bo'ldi, biroq ikkinchi bo'limda o'yinni kuchaytira oldik. Penalti bilan bog'liq vaziyatda hakamlar qarori to'g'ri yoki noto'g'ri bo'lganmi, o'yin videosini ko'rib xulosa chiqaramiz. "Navbahor" bilan o'yindagi hakamlikka bugungi kabi etirozlar bor edi.

- Joel Kojoning almashtirilishiga sabab nima bo'ldi?

- Kojoni jarohatdan asrash uchun unga dam berishga qaror qildik. Anvar Hojimirzaev oldingi chiziqda to'pni yaxshi ushlay oladi, uning bu imkoniyatidan foydalanishni reja qilgandik.

- 3 ta o'yin va 3 ta mag'lubiyat. Bunga qanday izox bergan bo'lardingiz?

- "Navbahor" bilan o'yinda ham hakamlar bizning zararimizga qaror chiqarishgandi. Bugun ham shu kabi holatlar bo'ldi. Hozir chempionatning kirish qismidamiz, xulosa chiqarishga hali erta.