Vadim Abramov: "Hakam "Bunyodkor"dan xafa bo'lgandir..."

"Menimcha o'yin qiziqarli bo'ldi, afsuski tomoshabinlar kiritilmadi. Balki TV orqali o'yinni ko'rishgandir, ularga yoqqadir, bilmayman. Qiyin o'yin bo'ldi, ayniqsa bosh murabbiylar uchun. 6ta gol urildi, qiziqarli o'yin, ammo... Birinchi taym u qadar yaxshi o'ynamadik, ikkinchi taymda o'zimizga keldik, g'alaba qozona olmaganimizga o'zimiz aybdormiz. Yosh yigitlar gol ura olishmadi, to'rtinchi golni urib o'yinni yakunlashimiz kerak edi. Buning o'rniga raqibga gol urish imkoniyati berildi.

Balki bu ruhiyat bilan bog'liqdir. SHunchaki to'pni bir-biringizga oshiring degan ko'rsatma bermaganman. Balki har uch kunda o'yin o'tkazayotganimiz sababdir.

Ikromov maydonga tushib faol o'ynadi, nima uchun u ikkinchi taymda tushdi? Uning imkoniyatlarini yaxshi bilamiz, bu taktika edi. Birinchi taymda raqib katta kuch bilan himoyada o'ynashini kutgandik, shu bois Farruhni ikkinchi taymda tushirdik va tezkorligidan foydalandik.

Hakamlik haqida? Futbolchilar ham bazida yomon o'ynashadiku, bugun hakamlarda shunday kun bo'ldi deb o'ylayman. Bu sotib olingan hakamlik bo'lmagan deb umid qilamiz. Balki u (SHerzod Qosimov - tahririyat) "Bunyodkor"dan xafadir, undan so'rab ko'rish kerak", - deydi Vadim Abramov.